“Oyunsonrası mətbuat konfransında da bildirmişdim ki, penalti qərarına heç bir etirazım yoxdu. Çünki top oyunçumun əlinə dəymişdi. Ona heç kim heç nə deyə bilməz. Amma o penaltiyə aparan künc zərbəsindən sonra Amili kürəyindən itələmkləri və ardından hakimin təkidlə topun meydandan bizim tərəfimizdən çıxdığını deməsi narazılığıma səbəb oldu. Çünki yan xətt hakimi konkret göstərdi ki, autu biz atmalıyıq. Amma baş hakim autun rəqib komandaya aid olduğunu təkidlə israr etdi. Hissənin sonuna yaxın hansı hakim belə qərar verər? Dediyim kimi, penalti qərarına heç bir etirazım olmadı. Sadəcə penaltiyəqədərki epizoda VAR-da baxılmasını istədim. Buna görə də cəzalandırıldım. Bir başqa epizodda isə Papunaşvili rəqibə toxunmadan ayağını yerə qoyur, lakin rəqib yerə yıxılan kimi düşünmədən oyunçumuza sarı vərəqə göstərir. Oyunun sonuncu dəqiqələrində Ehtirama sarı vərəqə göstərir, buna etirazım yoxdu. Sadəcə, qapıçımız vaxt getməsin deyə Ehtiramı sakitləşdirmək istərkən özü də sarı vərəqəylə cəzalandırılır. Maraqlıdı, niyə? Qısası, etirazım penalti qərarına görə olmayıb. Baş hakimə də, sadəcə, onu dedim ki, penaltiyəqədərki epizoda baxsın”.