“Yeni inkişaf istiqaməti fundamental məqamdı və prezident bu məsələdə mənlə razıdı. Dərin dəyişikliklərə ehtiyac var. İndiki metod özünü tükətdi. Keçmişdən birdəfəlik qırılacaq və yeni paradiqmaya keçəcək bir variant tapmalıyıq”. Bu sözlər "Barselona"nın idman direktorunun adına yazılıb. Lakin Deku səhv anlaşıldığını deyir və yuxarıda xatırladılan müsahibənin elektron variantında artıq bu sözlər yoxdu. Deku belə dediyini iddia edir: “Xavi istefa ərizəsini təqdim edib. Mövsümün sonuna qədər qalır, amma ondan artıq yox. Xavi komanda üçün lazım olan dəyişiklikləri edə bilmədiyini dedi. Razıyıq ki, bugündən (müsahibə evdə “Vilyarreal”a 3:5 hesablı məğlubiyyətdən sonra baş tutub – red.) radikal dəyişikliklərə ehtiyac var. O dərəcədə radikal ki, Xavi özü də klubun yeni istiqamətə ehtiyacı olduğunu deyir. Məşqçi tapmalıyıq. Kimi? - problem budu. Prezident bu məsələdə mənlə razıdı. Xavi “Barselona” paradiqmasının təmsilçisidi və klubu tərk edir. İndi biz mövcud vəziyyətdən çıxış yolu tapmalıyıq”.

“Ciddi maliyyə problemlərimiz var və məni işə götürmələrinin səbəblərindən biri də bu idi. Bizim digər zəngin klublar kimi transferlər üçün çox pulumuz yoxdu. Bu məqam bura gəlib hər şeyi qazanmaq istəyən hər bir meneceri istəyindən yayındırır. Təəssüf ki, biz bunun üçün gələnlərə vasitə verə bilmirik. Ən azı indiki mərhələdə”.
Dekunun növbəti sözləri də “Barsa”da hökm sürən qeyri-müəyyənlikdən xəbər verir: “Mən elə klubdayam ki, dəyişikliklər dövrünü yaşasa da, uzun müddət qələbəsiz qala bilməz. Yaxınlarda ölkə kubokunda "Atletik”ə uduzduq və mən bunun enində-sonunda hətta faydalı ola biləcəyini düşündüm. Axı belədə diqqətimizi çempionata və “Napoli” ilə qarşılaşmalı olduğumuz Çempionlaq Liqasına yönəldə bilərik. Bu rəqibin önünə 1/4 finala vəsiqə qazanmaq ambisiyası ilə çıxacağıq. Amma reallıq ondan ibarətdi ki, biz La Liqada turnir cədvəlinin zirvəsindən getdikcə daha da uzaqlaşırıq. Növbəti mövsüm Çempionlar Liqasındakı yerimizi itirməmək üçün ruhumuzu bərpa etməliyik”.