“Barselona” Xavinin rəhbərliyi altında ilk çempionluğunu qazansa da, belə görünür ki, qarşıdakı ayların əsas mövzusu Lionel Messinin kluba mümkün dönüşü olacaq, argentinalının ətrafında hədsiz çox səs-küy var.

“Football-plus.az” xəbər verir ki, bugünlərdə idman direktoru Mateo Alemaninin “Barsa”dan gedişi elan olunub – o, klubda işi iyunun 30-da başa çatdıracaq. Kataloniya klubunun yaydığı açıqlamada deyilir:

• Artıq Alemaninin “Aston Villa”da çalışacağı bəllidi. Ancaq “Barsa”dan gedişinin səbəbi heç də dislokasiya yerini dəyişmək arzusu ilə bağlı deyil.
• Xanım həmkarımız Veronika Brunati iddia edir ki, “Barsa”nın idman direktoru Messinin dönüşünün əleyhinə olub. Alemani heyəti gənc futbolçuların transferi hesabına yeniləmək istəyirmiş. Başqa həmkarlarımız – Toni Xuanmari və Xelena Kondis isə bildirir ki, məhz bu üzdən Alemani ilə Laportanın baxışları toqquşub, hətta münaqişə də yaşayıblar. Fikir ayrılığına səbəb olan başqa məsələlər də var: məsələn, idman direktoru veteranlar Serxio Buskets, Jordi Alba və Serxi Roberto ilə müqavilə müddətinin uzadılmasının əleyhinə çıxış edib. Ona görə ki, onlarla əməkdaşlıqda nə iqtisadi, nə də idman perspektivi görüb. Ən azı Busketsin klubdan ayrılmaq qərarını verməsi Laportanın Alemaniyə qulaq asdığını göstərir.
• Artıq Alemaninin postunu tutmağa namizəd olanların da adı hallanır – “Barsa” sabiq qapıçısı Xesus Anqoyun və Antonio Kordonun namizədliyini gözdən keçirir, ikincinin təyinatı daha real variant kimi görünür. Kordon “Vilyarreal” və “Monako”nun idman direktoru kimi fəaliyyəti ilə məşhurlaşıb - məhz o, 2016/17 mövsümündə Kilian Mbappeni Monte-Karloya aparıb.

Ancaq Alemanin postunun tutmağa ən real namizəd Dekudu. “As” öz qaynaqlarına istinadla “Barselona”nın portuqaliyalı ilə, demək olar ki, anlaşdığını xəbər verir. Deku klub prezidenti Laporta ilə yaxşı münasibətlərə malikdi, həmçinin Rafinya ilə Pyer-Emerikin müqavilə bağlamasında da iştirak edib. Bir sözlə, portuqaliyalı da Messinin dönüşü yolunda növbəti açar rolunu oynaya bilər: Dekunun qaynı Alexandro Eçevarriya klub rəhbərliyi ilə fəal təmasdadı. İspaniya mediası yazır ki, Eçevarriya Messinin ətrafına da yaxındı, bu üzdən Laporta ondan argentinalını “Barselona”ya qaytarma üçün vasitəçi qismində yararlanır.