“Rəqibi təhlil edərkən, onların transferlərin, zədəlilərini izləyib görürük ki, “Qarabağ”ın xeyrinə daha yaxşı vəziyyət yaranıb”.

“Belə hesab edirəm ki, bu gün “Braqa” elə vəziyyətdədi ki, nə “Benfika”dı, nə “Porto”du, nə də “Sportinq”. “Qarabağ” inamlı çıxış etsə və müdafiədə az səhvə yol versə, şansı bir qədər də yüksələr. Amma təcrübə üstünlüyünə görə 55-in 45-ə “Braqa”nın xeyrinə deyərdim. “Qarabağ” elə nəticəylə qayıtmalıdı ki, Bakıdakı matçda pley-offu keçməyə zəmin yaransın. Təbii ki, rəqib də Bakıdakı matça rahat çıxmaq üçün çalışacaq. Şanslarımız olacaq, amma əfsuslar olsun ki, hər əks-hücumu dəyərləndirə bilmirik və “Qarabağ”da axsamalar görürük. Həm Andrade, həm Zubir, həm də Juninyo tərəfindən yaradılan epizodlar olur. Doğrudu, Benzya və Yankoviç tərəfdən belə epizodları görmürük, amma epizodlardan maksimum dərəcədə yararlanmaq lazımdı. “Qarabağ” uzaq məsafələrdən, demək olar ki, qol buraxmır və imkan da yaratmır. Amma sonuncu oyunlarda belə qolların buraxılması komandanın əleyhinədi. Çünki rəqib də komandanın oyunlarına baxır, təhlik edir. Ona görə də müdafiədə Medinanın olmaması böyük itkidi. Müdafiə xəttində Medina, demək olar ki, divardı və hamını da “sığortalayır”. Təhlükənin biri də budu ki, “Braqa” hava ilə yox, yerlə çox oynayır. Bizim müdafiə etibarlı oyun nümayiş etdirsə, səhvlərə yol verməsə, komandamızın şansı artır. Hücumlarımız onsuz da olacaq. “Bayer”lə oyunda da hücumlarımız oldu, sadəcə, kəsəri az idi. Fikrimcə, bu oyunda pressinqdən çəkinməliyik. Çünki rəqib pressinqdən çıxmaq bacarığına malikdi. Daha bir potensial təhlükə kimi “Qalatasaray”dan tanıdığımız Brumanı görürəm. Çox texnikalı futbolçudu. Xüsusən də cərimə meydançası kənarında təhlükə yaradan oyunçudu. Fikrimcə, ona diqqət yetirmək lazımdı. Veşoviçin cəzalı duruma düşməsinə gəlincə, düşünürəm ki, onun yerində Silva çıxış edəcək. Braziliyalı oyunçu heç də Veşoviçdən geri qalmır. Sadəcə, Veşoviçin cərimə meydançasının əhatəsində və içərisinə cəhdlərdə təcrübəsi Silvadan çoxdu. Həm milli səviyyəsində, həm də çempionat səviyyəsində Veşoviçin təcrübəsi daha artıqdı. Xüsusən də ötürmələri kəskindi və hücuma daha tez imkan yaradır. Məsələn, Cəfərquliyev sol cinahda Zubirlə tandem yarada bilir, amma Silva sağ cinahda Andradeylə bu əlaqəni qurmaqda çətinlik çəkir. Hər halda, “Qarabağ”a uğurlar arzulayıram”.