"Qarabağ" bu gün gecə saatlarında keçirilən matçla nəinki azarkeşlərinə, bütün futbol ictimaiyyətinə Avropa həyəcanı yaşatmağa qaldığı yerdən davam edib.

"Football-plus.az" xəbər verir ki, rəqib Portuqaliya təmsilçisi "Braqa" olub. Oyun, təbii ki, "CBC Sport" vasitəsilə canlı yayınlanıb.

Avropa Liqası, pley-off
Braqa (Portuqaliya) - Qarabağ 2:4
Simon Banza, 44, Joao Moutinyo, 90+1-p. - Marko Yankoviç, 21-p., Abdullah Zubir, 54, 68, Olavio Juninyo, 65
Hakimlər: MORTEN KROQ, Vollenberq Rasmussen, Steffen Bramsen, Mikkel Redder (hamısı Danimarka).
VAR hakimi: Rob Dieperink (Niderland).
VAR hakiminin köməkçisi: Yonas Hansen (Danimarka).
UEFA nümayəndəsi: Damyen Mollard (İsveçrə).
Hakim-inspektor: Tomas Eynvaller (Avstriya).
15 fevral. Braqa, "Eştadio Munisipal de Braqa". Saat 00.00.

"Qarabağ" qrup mərhələsini adlayaraq tarixdə iık dəfə pley-off çərçivəsində meydana çıxmaq haqqı qazanıb. Növbəti hədəf isə mümkün qədər irəli getməkdi. Bu yolda ilk maneə "Braqa"dı.

"Köhlən atlar"ın bu rəqiblə ilk oyunu Portuqaliyada baş tutacaq. Görüşün başlayacağı saatı səbirsizliklə gözləməklə bərabər bəzi məsələlərə nəzər salmaq vacibdi. Sağ cinah müdafiəçisi Marko Veşoviçin cəzalı, mərkəz müdafiəçisi Kevin Medinanın isə zədəli olduğunu bilirsiz. Əlbəttə, Qurban Qurbanov vəziyyətdən çıxış yolunu tapıb. Çox güman, "Qarabağ"ın baş məşqçisi start heyətində bu futbolçulara yer verəcək: Andrey Lunyov, Elvin Cəfərquliyev, Toral Bayramov, Bəhlul Mustafazadə, Maksim Medvedev, Julio Romao, Marko Yankoviç, Abdulla Zubir, Leandro Andrade, Olavio Juninyo, Yassin Benzya.

Mütəxəssis oyun planının hazır olduğunu da açıqlayıb. Ümidlər böyükdü. Portuqaliyaya səfər, sadəcə, pley-off mərhələsinin ilk oyunu kimi deyil, həm də intiqam xarakteri daşıyacaq. Yəqin ki, nə Qurban Qurbanov, nə də yerli futbolsevərlər 2018-ci ildə yaşananları unutmayıb.

Xatırlatmaq lazımdısa, Ağdam təmsilçisi Avropa Liqasının qrup mərhələsində noyabrın 29-da Bakı Olimpiya Stadionunda keçirilən oyunda Portuqaliya "Sportinq"inə 1:6 hesabıyla uduzub (ilk oyun - 0:2) qrupdan çıxmaq şansını əldən vermişdi. İndi "Qarabağ"da sözügedən matçın start heyətində yer alan futbolçulardan Abdulla Zubir ilə Maksim Medvedev qalıb. Onlar bir neçə gün öncə Lissabon təmsilçisinin "Braqa"nı darmadağın etməsindən (5:0) nümunə götürməli, rəqib düşərgəsindəki ab-havanı daha da gərginləşdirməlidi. Təxminən 6 il öncə Lissabondan məğlub qayıdan "köhlən atlar" indi Braqadan qələbəylə qayıda bilər. Hər halda, rəqibin iki aparıcı futbolçusu - hücumameyilli yarımmüdafiəçi Armindo Bruma və sol cinah müdafiəçisi Adrian Marin zədəlidi. Bu yaxınlarda Migel Fale və Andre Kaştro ilə yollarını ayıran komandanın PSJ-dən Şer Nduru icarəyə götürdüyünü də qeyd edək.
Hər halda, braqalılar bütün diqqətini məhz bu matça yönəldəcək. Çünki Bakıda istədikləri nəticəni asanlıqla ədlə edə bilməyəcəklərinim fərqindədilər. Yəni ilk matçın rəqib meydanında keçirilməsi "Qarabağ" üçün müəyyən üstünlük yarada bilər. Çox güman, cütün taleyinə cavab matçında - Bakıda aydınlıq gələcək. Belədə "köhlən atlar"ın səfərdən ən sərfəli nəticə ilə qayıdacağına ümid edək.

Oyunla bağlı maraqlı məqamlar
* “Qarabağ”ın oyunçuları arasında vaxtilə Portuqaliyada çıxış edənlər var: Mateus Silva (icarə, “Farense” 2019/20, “Moreyrense” 2020-22), Kevin Medina (“Naval” 2014/15, “Моура” 2015–17, “Sintrense” 2017/18, “Pinhalnovense” 2018, “Vizeu” 2018/19, “Şaveş” 2019/20), Julio Romao (“Santa-Klara” 2020–22) Leandro Andrade (“Sportinq”, gənclər 2011–13, “Farense”, gənclər 2013–15, “Olhanense” 2015–19, “Fatima” 2019/20), Riçard Almeyda (icarə, “Jil Visente” 2010–12), Patrik Andrade (“Ribeyran” 2013, icarə, “Joan” 2013/14, “Moreyrense” 2014–16, icarə “Famalikan” 2016/17, icarə, “Salqeyros” 2017–18), Hamidu Keyta (“Santa-Klara” 2021/22), Olavio Juninyo (icarə, “Portimonense” 2016, icarə, “Eştoril Prayya” 2019/20, “Şaveş” 2020–23).
* Xose Fonte ilə Yassin Benzya 2018-ci ildə “Lill”də komanda yoldaşı olub. Simon Banza ilə Abdulla Zubir isə 2016-cı ildə “Lans”da birgə oynayıb.
* 2017/18 mövsümündə Avropa Liqasının 1/8 finalının ilk oyununda heyətində Brumanın olduğu “Leyptsiq” Andrey Lunyovun şərəfini qoruduğu “Zenit”i 2:1 hesabıyla məğlub edib. Bruma həmin oyunda Lunyovun qapısına yol tapıb.
* Leandro Andrade Kabo-Verde yığmasının oyunçusu olsa da, Portuqaliyanın Alqarve regionuna aid Tavira şəhərində dünyaya gəlib.
* Joao Moutinyo Portuqaliya yığmasının heyətində DÇ-2022-nin seçmə mərhələsi çərçivəsində iki dəfə Azərbaycan yığmasına qarşı oynayıb. Rəqib evdə 1:0, səfərdə 3:0 hesabıyla qalib gəlib.

KƏNAN BAHADIR