“Düşünürəm ki, bəxtimizə ən çətin rəqiblər düşdü. C liqasında başqa rəqiblərlə müqayisə etdikdə bunlar ən güclülərdi. Sanki dejavü yaşayacayıq. Yenidən Estoniya, İsveç və Slovakiya ilə eyni səbətdəyik. Təbii ki, İsveç və Slovakiya milliləri bizim üçün ən çətin rəqiblərdən biridi. Digər tərəfdən bizə düşə biləcək Makedoniya, Farer adaları və ya Lüksemburq var idi. Məsələn, belə rəqiblər daha çox “dişimizə görə” idi. Qrupdan çıxıb-çıxmamaq yönündən baxsaq, çox çətin olacağını düşünürəm. Çünki bir oyunda hansısa rəqibə qalib gəlmək mümkün ola bilər, ancaq altı oyunun nəticəsində 1-cı yerə çıxmağımız mənə bir balaca çətin görünür. Milli komandaya nə kimi dəyişiklik edə bilərsən ki?! Hansı oyunçular varsa, onların sayəsində də qalib gəlmək məcburiyyətindəsən. Böyük mənada heç bir dəyişiklik etmək mümkün deyil. Çünki bu bir milli komandadı. Klub olaraq əcnəbi futbolçular ala, komandaya tam yeni simalar gətirə bilərsən, ancaq millidə bunu etmək mümkün olmur. Ona görə də nə varsa, onunla da oynamaq məcburiyyətində qalırsan. Uzağı əlavə bir-iki futbolçunu komandaya cəlb edə bilərsən. Təbii ki, yeni gələn məşqçi amilinin də böyük rolu olacaq. O da özünü pozitiv və ya neqativ tərəfdən göstərəcək. Pozitiv tərəfi odu ki, yeni məşqçi oyunçularla yaxşı anlaşacaq və onlar da özlərini göstərməyə çalışacaq. Digər tərəfdən, yeni məşqçi yeni üslub tətbiq etmək, oyunçularını tanımaq, onların xarakterini bilmək məcburiyyətindədi. Bütün bunların hamısına da vaxt tələb olunur. Bu prosesin içində istər-istəməz nəticəyə təsir edən amillər ortaya çıxır. Bir sözlə, məşqçinin olmaması da bizə təsir edəcək, yeni məşqçini gəlişi də”.

“Yəqin ki, bu dəfə hədəf 1–ci yer olmalıdı. Doğrudu, indiyə qədər buna nail ola bilməmişik, amma daha bura qədər də gəlmişik. Autsayder kimi Estoniyanı görürəm. Əvvəlki tsikldə da Estoniya ilə bir qrupa düşmüşdük, elə sonuncu yeri də onlar tutmuşdu. İnşallah, yığmamız birinci yer uğrunda mübarizə aparacaq. Doğrusu, reallıq bunu göstərmir, amma 1-ci yeri tutmalarını arzulayıram. Yəni 2-ci yeri tutmağımız da uğur sayıla bilər, lakin hamımız bilirik ki, bunun amması var. Hələ görək baş məşqçi postuna kimi təyin edirlər. Fikrimcə, yerli mütəxəssisə etibar etmək daha məqsədəuyğundu. Oyunçu baxımından yığmada elə bir köklü dəyişiklik yoxdu. Eyni oyunçular, eyni sistemdi. Bayaq da qeyd etdiyim kimi, yerli mütəxəssis baş məşqçi postuna gətirilsə, ən azı 2-ci yeri tuta bilərik. Yəqin ki, sonuncu yeri tutmayacağıq. Ən azı buna sevinərik”.