Messi azarkeşlərdən üzr istədi
Lionel Messi Çin sosial şəbəkəsi “Weibo”da paylaşım etməyə məcbur olub. “İnter Mayami”nin hücumçusu üzrxahlıq etməyi özünə borc bilib.
“Football-plus.az” xəbər verir ki, ulduz futbolçu paylaşımında “İnter Mayami” ilə Honkonq yığması arasında Asiyada keçirilən yoldaşlıq matçında oynaya bilmədiyi üçün azarkeşlərdən üzr istəyib. Qeyd edək ki, argentinalının yoxluğu futbolsevərlərin, həmçinin Honqkonq və Çinin dövlət qurumlarının nümayəndələrinin kütləvi narazılığına səbəb olub. Vəziyyətin çox ciddi olduğunu anlayan Messi bu cümlələri yazıb:
“Çin və Honkonqdakı bütün azarkeşlərə və dostlara salam. Qasıq nahiyəsindən zədə aldığım üçün Honqkonqda keçirilən yoldaşlıq görüşündə oynaya bilmədim. Buna görə təəssüflənirəm və azarkeşlərdən üzr istəyirəm. Zədə ağrılı idi. Məni tanıyan dostlar yaxşı bilirlər ki, hər oyunda əlimdən gələni etmək istəyirəm. Ümid edirəm ki, hələ də Honkonqa səfər etmək və öz oyunumla azarkeşləri sevindirmək imkanım olacaq. Mən də tezliklə Çinə qayıtmağı və futbol sevincini sizinlə bölüşməyi səbirsizliklə gözləyirəm”.
Digər xəbərlər
