“Üzülmə, dostum. Jurnalistin sənə ünvanladığı sualı gördüm. Vallah, ayıbdı. Səninlə meydanda kişi kimi mübarizə apara bilməyənlər yer tuta bilməməyin üçün əlindən gələni edir. İnşallah, sonda qalib sən olacaqsan. Doğrunun yanındayam, dəstəyim səninlədi”.

“Düşündüm ki, Rəşada dəstək olmaq lazımdı. Çünki ölkəmizin təcrübəli mütəxəssislərindən biridi. Sabah başqa bir baş məşqçimizə münasibətdə belə haqsızlıq olsa, onda da həmin adam üçün eyni ifadələri deyəcəm. Ümumi mənzərə isə göz önündədi. Vaxtilə Qurban Qurbanova haqsızlıq edənlər, inkişafına mane olanlar bu gün eynisini “Zirə”nin baş məşqçisinə edir. O vaxt Qurban müəllim “Neftçi”yə baş məşqçi təyin ediləndə ilk transferi mən olmuşdum və başverənləri, dönən oyunları öz gözlərimlə görüb müşahidə etmişdim. İndi eynisinə Rəşad Sadıqov məruz qalır. Onun qabağa getməsinə imkan verilmir. Hələ ki heç kimin adını açıqlamaq istəmirəm. Amma vaxt gələndə hər biri haqda ətraflı danışacam. Kim nə edib, kimə tələ qurub, kimə mane olub - hamısını deyəcəm. Haqsızlıqlar çoxdu. Baş məşqçini təkləyiblər və buna susmaq olmur”.

“Bəzən söz aparıb-gətirənlər üzündən belə hallar baş verir. Onu deyim ki, mən Rəşad Sadıqovla futbol barədə söhbətlər edirəm, nələrisə müzakirə edirik. Hətta şad, Allah uzaq etsin, pis günlərimizdə bir-birimizin yanında olmuşuq. Yəni arada böyük küskünlüyün, düşmənçiliyin olduğunu demək doğru olmaz”.