“Dərk etməlidi ki, komandanı belə vəziyyətdə qoymaq olmaz”
Misli premyer-liqasının 19-cu turunda “Qəbələ” “Sumqayıt”ı qəbul edib - 0:1.
“Football-plus.az” xəbər verir ki, oyundan sonra meydan sahiblərinin çalışdırıcısı Elmar Baxşıyevin mətbuat konfransı keçirilib. Sizi onun fikirləri ilə tanış edirik:
"Dinamik oyun alındı. Hava şəraitinə baxmayaraq komandalar sürətli oyun nümayiş etdirdilər. Üstünlüyə sahib idik. Əlimizə düşən epizodları dəyərləndirə bilmədik".
- Penalti epizodunu necə şərh edirdiniz?
- Öz fikrimi bildirəcəm. Bizim müdafiəçimiz imkan yaratdı ki, penalti olsun. Diqqətsizlik etdi. 29 yaşlı futbolçu bilməlidi ki, rəqibini vurursa, penalti veriləcək.
- Optimal "Qəbələ"ni nə vaxt görəcəyik?
- İlk turdan optimal "Qəbələ" görmək istəyirəm. Amma hər oyun qırmızı vərəqələr, öz səhvimizdən buraxdığımız qollar... İnanıram ki, səhvlərimizi düzəldəcəyik. Bu səhvi Nicat Əliyev etsə, başa düşərəm. 29 yaşlı futbolçu bu cür səhv etməməlidi. Fərdi səhvdən məğlub olduq.
- Lukas Afriko ən çox şans verdiyiniz oyunçudu. Bəlkə onu bir müddət ehtiyatda saxlayasız?
- Fərqli düşünürəm. Bəlkə ilə futbol olmur. Kristof Atanqana ilk turlarda səhvlər etdi, Rəşad Əzizlini qapıya qoyduq. Bütün oyunçularıma inanıram. Lukas Afriko güvəndiyim futbolçudu. Dərk etməlidi ki, komandanı belə vəziyyətdə qoymaq olmaz.
Digər xəbərlər
