"Təbii ki, müsbət qarşıladım. O, çoxdan xarici kluba getməliydi. Çünki Azərbaycanın ən yaxşı stopperlərindən biridi. Təcrübəli və istedadlıdı. Polşa çempionatı bizimkindən daha güclüdü. Üstəlik Rahil fiziki cəhətdən bu ölkənin atletik oyun tərzinə tam uyğundu. Onun komandaya uyğunlaşması üçün çox vaxt lazım olmayacaq. Rahil öz yaxşı performasını göstərə biləcək. Onu da vurğulamaq lazımdı ki, Rahil "Qarabağ"da həmişə əsas heyət üzvü olmurdu. Buna görə başqa kluba keçidi düzgün seçimdi. Nəticədə millimiz də müəyyən xeyir görəcək. Yığmamızın Polşa futbolunda təcrübəsi olan oyunçuya ehtiyacı var idi. Rahilə uğurlar arzulayıram".