“Dakar” rallisi can aldı
“Dakar” ralli-reydinin 2-ci mərhələsində qəzada zədələnən ispaniyalı motoyürüşçü Karles Falkon həyatla vidalaşıb.
Bu haqda onun şərəfini qoruduğu “TwinTrail Racing” komandasının mətbuat xidməti məlumat yayıb.
İdmançının beyni şişib, onurğası, beş qabırğası, körpücük sümüyü və sol bilək nahiyəsi zədələnib. Hətta ürəyinin dayandığı da bildirilirdi. Komandanın yaydığı məlumatda deyilir:
“Bazar ertəsi, yanvarın 15-də Karles bizi tərk etdi. Həkim briqadası qəza zamanı ürək-ağciyər tutulması nəticəsində yaranan nevroloji zədənin geridönməz olduğunu təsdiqləyib”.
Falkon yanvarın 7-də qəzaya düşüb. İkinci dəfə “Dakar”da iştirak edən idmançı 45 yaşında dünyasını dəyişdi...
