“Milli komandanın keçmiş futbolçuları kimi bura elə-belə gəlməmişik” – iki qələbə Əfranı ruhlandırıb
Minifutbol üzrə ölkə çempionatında 6-cı turun oyunlarına yekun vuruldu.
Millimizin sabiq futbolçularından ibarət olan “İnter” 2024-cü ilə yaxşı başlayıb, yeni ildə keçirdiyi 2 oyunda qələbə qazanıb. Görəsən, bu qələbələr komandaya necə təsir edib? Bu barədə komandanın yaradılmasının ideya müəllifi olan Əfran İsmayılovla danışdıq.
Onun “Football-plus.az”a söylədikləri:
“Şükürlər olsun, yeni ilə yaxşı başlamışıq. Oyunlara ciddi hazırlaşacağımızı qabaqcadan da demişdim. Təbii ki, bununla heç nə bitmir. Güclü komandalara qarşı çətin oyunlarımız olacaq. Maksimum dərəcədə yüksək pillərlərdə qərarlaşmaq üçün çalışırıq. Çünki milli komandanın keçmiş futbolçuları kimi bura elə-belə gəlməmişik. Yoldaşlar sağ olsun, əllərindən gələnin ən yaxşısını etməyə çalışırlar. Maksimum nəticə qazanıb yenə ölkəmizi Avropada layiqincə təmsil edə bilmək üçün çalışırıq. İnşallah, necə alınacağını zaman göstərəcək”.
KAMAL SƏFƏR
Digər xəbərlər
