"Məsələyə azərbaycanlı futbolçuların qardaş ölkədə oynamaq perspektivindən yanaşsaq, çox yanlış addımdı. Əlbəttə, bununla oyunçularımızın Türkiyə superliqasına yolu, demək olar ki, bağlandı. Amma çox şey futbolçudan asılıdı. Özünü yaxşı tərəfdən göstərməlidi ki, rəqabətdə uduzmasın və yerini qoruyub-saxlasın.

Ümid edirəm ki, qərar 1-ci liqaya aid edilməz. Bir neçə gündü ki, Antalyadayam. Bilindiyi kimi, bir neçə klubumuz burda təlim-məşq toplanışı keçir. Artıq bir neçə baş məşqçi azərbaycanlı futbolçulara görə mənə müraciət edib. Adlarını açıqlamaq düzgün olmaz. Yəqin ki, indi yox, amma yayda ölkəmizdən Türkiyənin 1-ci liqasına axın olacaq. Bu çempionatda iştirak edən komandaların çalışdırıcıları bizimkiləri çox bəyənib və transfer edilmələrində israrlıdı".