“Komandanı yaratmaqda məqsəd o idi ki, hazırda futbolçu kimi klublarımızda çıxış edən oyunçular həqiqi hərbi xidmətə yollananda futboldan aralı düşməsinlər. Bu da “Dinamo"nun Müşahidə Şurası Daxili İşlər Nazirliyinin rəhbərliyi tərəfindən yaradılandan, təsdiqlənəndən sonra baş verəcək. Həmin futbolçuların daxili qoşunlarda əsgərlik keçib ordan "Dinamo"ya gəlməsi gündəmdədi. Bunun üçün hüquqi prosedurlar həll olunub, amma təsdiqlənməyib. Buna görə də həqiqi hərbi xidmətə çağrılanların kluba gəlməsində çətinlik var. Bunlar yekunlaşandan sonra, gələcəkdə "Dinamo"nun heyətində əsgərliklə bağlı futboldan getmiş oyunçular çıxış edəcək. Onlar artıq "Dinamo"nun heyətində futbolçu kimi əsgərlik çəkəcəklər. Hazırda turnir cədvəlində elə də yaxşı yerdə deyilik. Lakin buna görə təəssüflənmirik. Komandanı çempionata bir həftə qalmış formalaşdırmağa başladıq. Buna görə qarşımıza böyük hədəflər qoymamışıq. 2006, 2007 təvəllüdlü oyunçularımız var. Məqsədimiz gənc futbolçuları qazanmaqdı. Gələn ildən daha da güclü çıxış etmək niyyətindəyik. Yanvarın 15-də toplanışa başlayacağıq. 2-ci dövrə üçün planlarımız keyfiyyətli futbolçu tapmaqdı. Hazırda bu bir qədər çətindi. Çünki mövsümün əvvəlindən oyunçuların klublarla müqavilələri var. Buna baxmayaraq, bacardığımız qədər müqavilə müddəti bitən futbolçular tapmağa çalışacağıq. Baş məşqçi İsmayıl Vəkiliqazicahanidən futbolçular razıdı. Bir çoxları onun yetirməsidi. Hələ ki yollarımızı ayırmaq fikrimiz yoxdu”.