Türkiyə Futbol Federasiyası ictimai rəyə önəm vermədən, yalnız ərəblərin pulunu sovurmaq amacı ilə “Qalarasaray”la “Fənərbaxça” arasındakı Superkubok matçını Ər-Riyada salmaqla kobud səhv etmişdi. Hətta ölkəmizin namizədliyi “Azərbaycan bu oyunun təşkili üçün pul vermir” kimi əcaib dəlillə yaxın buraxılmamışdı. Amma biz qardaşlarımız üçün ürək verirdik.

Axırı nə oldu? Səudiyyə Ərəbistanına rəhbərlik edənlər Türkiyə Cümhuriyyətinin qurucusu Mustafa Kamal Atatürkün "Yurtta Sulh Cihanda Sulh" və "Ne Mutlu Türküm Diyene" sözlərinin yer aldığı pankartları, ümumiyyətlə, Atatürkü xatırladan heç bir rəmzi görmək istəmədi.

Səudiyyə Ərəbistanı nədən Atatürkə münasibətdə bu qədər aqressivdi? Tarixə boylansaq, görərik ki, 1926-ci ildə Səudiyyə Krallığı elan olunanda bu ölkəni birinci Atatürkün Türkiyəsi tanıdı. 1932-ci ildə 27 yaşlı şahzadə Feysəl bin Əbdüləziz 15 gün ərzində Türkiyədə oldu, Atatürk ona ehtiramını göstərdi. 1938-ci ildə Atatürkün vəfatı münasibətilə Səudiyyə Ərəbistanının xarici işlər naziri Feysəl Türkiyə Xarici İşlər Nazirliyinə aşağıdakı teleqram göndərib:

Bəs onda indi Atatürk nədən düşmən oldu? Bu məsələni araşdırarkən dindən başqa izah tapmaq çətindi. Səudiyyə Ərəbistanını idarə edən vəhabilərin inancına görə Atatürk insanlar tərəfindən aşırı dərəcədə ucaldılır. Vəhabilər Atatürk üçün Anıtqəbirin salınmasını belə qəbul etmir, bunu dina təhqir sayırlar. Vəhabilərin inancı məzar üzərində yazıların olmasını, türbə tikilməsini qəbul etmir, məzarı ziyarət etmək, onun üzərində hansısa əlamət saxlamaq qadağandı.

Səudiyyə Ərəbistanı ilə Türkiyə arasındakı gərginliklə bağlı başqa bir versiya da var. Guya Türkiyə Cümhuriyyətinin ilk rəhbəri 100 il əvvəl ərəbləri təhdid edib. İş ondadı ki, 1926-cı ildə Səudiyyə Ərəbistanının kralı bu ölkənin Mədinə şəhərindəki Əl-Nabavi məscidini genişləndirmək istəyirmiş. Ancaq Atatürk buna qarşı çıxıb, hətta monarxa bu məzmunlu bir teleqram göndərib: