“Salam, əziz Azərbaycan xalqım. Bu il Azərbaycan Güləş tarixində ilk dəfə 4 qat Avropa çempionu olaraq adımı güləş tariximizə yazdım və Bakıda keçirilən Hərbçilərin dünya çempionu oldum. Buna baxmayaraq, Gənclər və İdman Nazirliyi tərəfindən heç bir diqqət görmədim. Heç ilin 10 idmançısı siyahısına belə düşmədim. Sağolsun, Gənclər və İdman Nazirliyi. Cənab Prezidentimiz İlham Əliyev bu il idmançıları tarixi qələbə qazandığımız gözəl Qarabağımıza dəvət edib orada görüşdü. İdmanı və idmançıları nə qədər sevdiyini bir daha sübut etdi. Amma çox heyif ki, Gənclər və İdman Nazirliyi adımı bu görüşə salmadı, məni cənab Prezidentlə görüşə buraxmadı. İnanıram ki, cənab Prezident məni də orada görməyə çox sevinərdi, amma Gənclər və İdman Nazirliyi buna şərait yaratmadı. Bu qədər nəticə qazanmışam, ölkəmizə bu qədər qələbələr gətirmişəm, amma məni bu tarixi görüşdən məhrum etdilər. Bu haqsızlığa görə inanıram ki, bir tədbir görüləcək. Biz cənab Prezidentimizə güvənirik. Çünki cənab Prezident her zaman bizim, biz də onun yanındayıq. İnşallah, hədəfim Olimpiya çempionu olmaq, ölkəmizə yeni bir qələbə gətirməkdi. Mənə hər zaman güvənən, mənə dəstək olan Azərbaycan xalqına bir daha təşəkkür edirəm”.