“Vaşinqton” srağagün “Aylenders”i məğlub etdi.

“Football-plus.az” xəbər verir ki, qaliblərin kapitanı Aleksandr Oveçkin overtaymda məhsuldar ötürmə versə də, bu oyunda da qol vura bilmədi. Rusiyalı ulduz ardıcıl 14-cü oyundan qolsuz ayrıldı. Onun sonuncu dəfə noyabrın 19-da – “Kolambus”la oyunda (4:3) fərqləndiyini də xatırladaq. Amma hücumçu dünən “Kolambus”la oyunda sonuncu qolu vurmaqla arzauolunmaz seriyanı bitirdi. Ümumiyyətlə, Ovi cari mövsümdə keçirdiyi 30 oyunda cəmi 20 (6+14) xal toplayıb.

Belə aşağı məhsuldarlığın səbəbini araşdıran həmkarlarımızın sayı-hesabı yoxdu. Onlardan biri səbəbkara bununla bağlı sual ünvanlayıb. 38 yaşlı ulduzun fikirləri: “Nə baş verdiyini bilmirəm. Əlimə fərqlənmək üçün yaxşı imkanlar düşür. Ancaq bəzən elə olur ki, hokkey çubuğunu hədsiz möhkəm tuturam, yenə də məhz ona görə ki, qol vurmaq mümkün olmur. Ancaq gec-tez qol gələcək, zərbələr şaybaya çevriləcək”.

Rusiyalı forvard MHL tarixinin snayperləri sırasında 828 qolla 2-ci pillədə qərarlaşıb. Bu göstəricidə rekordçu isə əfsanəvi Ueyn Qretskidi (894). Oveçkinin “Vaşinqton”la müqaviləsi 2025/26 mövsümünün sonuna qədər nəzərdə tutulub. Beşillik müqavilənin ümumi dəyəri 47,5 milyon dollardı.

21 dekabr
Vaşinqton – Aylenders 3:2 ОТ (1:0, 1:1, 0:1, 1:0)
Vinnipeq – Detroyt  5:2 (1:0, 3:1, 1:1)
Los-Anceles – Sietl 1:2 (0:0, 0:1, 1:1)
22 dekabr
Baffalo – Toronto 9:3 (3:2, 3:1, 3:0)
Kolambus – Vaşinqton 2:3 ОТ (0:1, 1:1, 1:0, 0:1)
Nyu-Cersi – Edmonton 3:6 (1:2, 2:0, 0:4)
Pittsburq – Karolina 2:1 Б (1:0, 0:1, 0:0, 0:0, 1:0)
Tampa-Bey – Veqas 5:4 (0:2, 4:0, 1:2)
Filadelfiya – Neşvill 2:4 (1:0, 1:2, 0:2)
Florida – Sent-Luis 1:4 (0:0, 1:3, 0:1)
Dallas – Vankuver 4:3 ОТ (1:1, 1:1, 1:1, 1:0)
Minnesota – Monreal 4:3 ОТ (2:0, 0:1, 1:2, 1:0)
Kolorado – Ottava 6:4 (2:2, 1:2, 3:0)
Anahaym – Kalqari 0:3 (0:1, 0:1, 0:1)
San-Xose – Arizona 2:5 (0:0, 1:3, 1:2)