“Pittsburq”un hücumçusu Sidni Krosbi “Minnesota” ilə srağagün keçirilən oyunda komandasının qələbə (4:3) qolunu vurdu.

“Football-plus.az” xəbər verir ki, MHL-in saytı bunun əfsanəvi kanadalının karyerasında 89-cu qələbə qolu olduğunu yazır. Krosbi bu göstəricidə Lük Robitayla çatdı və indi onunla birgə 24-cü yeri bölüşür. Qələbə qollarının sayına görə MHL rekordçusu isə Yaromir Yaqrdı (135).

Bu arada “Ottava”nın baş məşqçisi Di Cey Smit və onun yardımçısı Devis Peyn tutduqları vəzifələrdən azad olunublar. Bu haqda xəbəri klub saytı yayıb. “Senatorlar” baş məşqçi səlahiyyətlərinin icrasını Jak Martenə tapşırıb. Klubun sabiq forvardı və xal sayına görə rekordçusu Danniel Alfredsson da məşqçi korpusuna daxil olunub. 2019-cu ildən “Ottava”nın “sükanı arxasında” olan Smitin klubla müqaviləsinin müddəti bu mövsümün sonuna qədər nəzərdə tutulmuşdu. 71 yaşlı Marten isə 1996-2004-cü illər aralığında da “senatorlar”ı çalışdırıb. O, məşqçilər arasında oyun (692), müntəzəm çempionatda qələbə (341), pley-offda qələbə (31) və pley-offda oyun (69) sayına görə klubun rekordçusudu. Cari mövsümdə 26 oyundan sonra 22 xalı olan “Ottava” Atlantik divizionunun turnir cədvəlində sonuncu – 8-ci pillədə qərarlaşıb.

19 dekabr
Detroyt – Anahaym 3:4 (0:3, 1:1, 2:0)
Pittsburq – Minnesota 4:3 (1:0, 2:2, 1:1)
Vinnipeq – Monreal 2:3 ОТ (0:0, 1:2, 1:0, 0:1)
Dallas – Sietl 4:3 ОТ (2:0, 1:2, 0:1, 1:0)
Kalqari – Florida 3:1 (1:1, 0:0, 2:0)
20 dekabr
Baffalo – Kolambus 4:9 (1:3, 1:4, 2:2)
Boston – Minnesota 3:4 ОТ (2:1, 0:0, 1:2, 0:1)
Karolina – Veqas 6:3 (1:1, 3:0, 2:2)
Nyu-Cersi – Filadelfiya 2:3 ОТ (1:0, 1:2, 0:0, 0:1)
Tampa-Bey – Sent-Luis 6:1 (3:0, 2:0, 1:1)
Toronto – Reyncers 2:5 (0:0, 1:2, 1:3)
Aylenders – Edmonton 3:1 (0:1, 3:0, 0:0)
Neşvill – Vankuver 2:5 (0:2, 1:2, 1:1)
Çikaqo – Kolorado 3:2 (2:2, 0:0, 1:0)
Arizona – Ottava 4:3 (0:3, 1:0, 3:0)
San-Xose – Los-Anceles 1:4 (0:1, 0:2, 1:1)