Erlinq Holannın səhhətindəki problem davam edir.

O, “Mançester Siti”nin premyer-liqada “Luton” (2:1) və Çempionlar Liqasında “Srvena Zvezda” (3:2) ilə son oyunlarını buraxıb. Baş məşqçi Xosep Qvardiola norveçli hücumçunun ayaq pəncəsində problemi olduğunu bildirib.

O, Erlinqin komanda ilə birlikdə Səudiyyə Ərəbistanında keçirilən Klublararası Dünya Çempionatına yollanacağına ümid etdiyini bildirib. Amma Qvardiola hücumçunun mundialın ilk oyununda meydana çıxıb-çıxmayacağı ilə bağlı sualı cavablandırmaqda çətinlik çəkib.