“Göygöl” çox yaxşı komandadı. Oyundan da qabaq bu barədə futbolçularıma bildirmişdim. Evdə oynadığımız ilk görüşdə də rəqib özünü göstərmişdi. Həqiqətən də 2-ci liqada yaxşı oyun sərgiləyən 6-7 komanda var. Onlardan biri də “Göygöl”dü. Kollektiv kimi yaxşı formalaşıblar. Topla oynamağı bacaran komandadı. Oyunun içində baş verən proseslər əleyhimizə işlədi. Həm qırmızı vərəqə aldıq, həm də zədəli futbolçularımız var idi. Hücumçumuzu meydana buraxdıq, 3-4 dəqiqə sonra zədəsi özünü büruzə verdi, oyundan çıxarmaq məcburiyyətində qaldıq. Düşünürəm ki, qol şanslarımız da oldu, sadəcə, dəyərləndirə bilmədiyimiz üçün qapımızda qol gördük. Çempionat hələ uzundu, gələcək barədə indidən nəsə demək tezdi. Yaxşı komandalar var və hər biri çempionluq uğrunda mübarizə aparır. 6-7 komanda arasında sona qədər gərgin mübarizə gedəcəyini düşünürəm”.