“Niyə VAR-dakı deyir bunu?”
Misli premyer-liqasında 16-cı tura yekun vurulub.
“Football-plus.az” xəbər verir ki, “Neftçi” “Turan Tovuz”u məğlub edib. Matçdan sonra qərblilərin çalışdırıcısı Ayxan Abbasovun mətbuat konfransı keçirilib. Sizi onun fikirləri ilə tanış edirik:
"Çətin və maraqlı oyun oldu. Hesabda geri düşsək də, qolları vurduq. Hər qoldan sonra hesabda önə çıxa bilərdik. Amma imkanlardan yaxşı istifadə edə bilmədik. İkinci hissədə 11-ci dəqiqədə rəqib ilk dəfə cərimə meydançamıza daxil oldu. Təəssüf ki, qol buraxdıq. Bu gün ustalıq qalib gəldi. "Qəbələ" ilə matçı çıxsaq, rəqiblərlə başabaş oynamışıq. Davam etmək lazımdı. Bilirdik ki, çətin olacaq. Yeni gələnlər var. Amma oyundan-oyuna yaxşılığa doğru gedirik. Təslim olmaq olmaz. Ruhdan düşsək, çətin olacaq. Futbolçuların arxasındayıq, birlikdə bu durumdan çıxacağıq".
- Komanda əks-hücumlardan oynasaydı, hesab başqa cür alınardı?
- Mən futbola hücum, əks-hücum kimi yanaşmıram. Mövsümün əvvəlində demişdim ki, bu il oyunu otuzdurmaq lazımdı. Amma çətin olacaq. Oyunu otuzdurmaq istəyiriksə, boşluqlar olacaq. Qol epizodlarına giririk, istifadə edə bilmirik. Qollar buraxırıq. Əks-hücum, müdafiə oynasaydıq...Bunu özümüzə yaxın buraxmıram. Bəzi mövqelər var, orda ya futbolçular artırmalıdı, ya da gələcəkdə ora uyğun oyunçular tapmalıyıq.
- Üçüncü qol sanki ofsayddan vuruldu. Siz necə düşünürsüz?
- Hakimlik haqda danışmaq istəmirəm. Bu gün eşidirəm, hakim deyir VAR-dakı bildirdi ki, top başqasından çıxıb. Niyə VAR-dakı deyir bunu? Autu da səhv verirlər. Başa toxunuş varsa, dərhal matç dayanmalıdı. Top bizdə olanda dərhal saxlanılır, ancaq rəqibdə olanda belə qərar yox idi. VAR-da olan hakim yəqin xətti çəkib.
- Faiq Hacıyev çox top itkisinə yol verirdi...
- Faiq iki il əvvəl birinci diviziondan gəlib. Gənc yaşlarında U-16, U-17 yığmalarında oynayıb, sonradan eniş olmuşdu. Yaxşı formadadı. Hücum planında daha yaxşı ola bilərik. Amma ümumilikdə ondan razıyam.
- Komandadan göndəriləcək futbolçuların siyahısını hazırlamısız?
- Bu dəqiqə hər kəsin müqaviləsi var. kiməsə rahat demək olmur ki, getmək lazımdı. Son oyunlardan sonra fikirləşəcəyik. Güclənmək lazımdı.
Digər xəbərlər
