"Qarabağ"ın liderliyə dönəcəyi gözlənilən idi. Düzdü, son mövsümlərə nisbətdə bir az çətin oldu. Rəqiblərinin bu il “dişli” olması "köhlən atlar"a çətinlik törətdi. Bu bir tərəfdən sevindirici haldı. Çünki futbolçular hər matça daha ciddi yanaşacaq. Premyer-liqada rəqabətin artması, “Qarabağ”ın güclü müqavimətlə üzləşməsi avrokuboklarda çıxışımıza yardım edəcək. Düşünürəm ki, komandanın qış fasiləsində güclənməyə ehtiyacı var. Xüsusən də yeni mərkəz müdafiəçisinin transferi labüddü.  Medinanın zədələnməsi pis oldu.

Bildiyimə görə, klub Krivotsyukla maraqlanır. Fikrimcə, milli üzvünün  transferi faydalı olar. Ukrayna əsilli müdafiəçinin həm uyğunlaşma problemi olmayacaq, həm də yerli futbolçu statusu daşıması "Qarabağ" üçün  uduşdu. 
Kubok oyununa gəlincə, MOİK ilə oyunun Xankəndidə keçiriləcəyi haqda deyilənlərdən xəbərdaram Amma hələlik rəsmi nəsə görməmişəm. Düşünürəm ki, Xankəndidə matça baxmaq həm qarabağlıların, həm də "Qarabağ"lıların arzusu idi. Allah şəhidlərimizə rəhmət etsin, qazilərimizə cansağlığı versin. "Hərbçilər"lə oyun isə bir başqa zövq verir. Digər tərəfdən, azarkeşlərin stadiona buraxılması oyunu daha da maraqlı edəcək. Orda xidmətdə olan əsgər və zabitlərimiz azad Qarabağda "Qarabağ"ın matçını izləyə biləcək. Bu oyunda nəticə o qədər də önəmli deyil. Əsas məqsəd Xankəndi şəhərində oyun keçirilməsidi və bunu ənənəyə çevirmək lazımdı".