Noyabrın 30-da Avropa Liqasının (AL) qrup mərhələsinin 5-ci turunun oyunları keçirildi.
“Football-plus.az” xəbər verir ki, 4-cü turdan sonra D qrupunda “Atalanta”, H qrupunda isə “Bayer-04” pley-offa vəsiqə qazanmışdı. Hesabat turunun 16 matçında qeydə alınan nəticələrdən sonra daha 10 komandanın mübarizəni bu turnirdə davam etdirəcəyi rəsmiləşdi. Başqa sözlə, 6-cı turda pley-offa ayrılan son 4 vəsiqənin sahibi müəyyənləşəcək.
A qrupunda “Vest Hem” və “Frayburq” uyğun olaraq TSÇ-yə (1:0) və “Olimpiakos”a (5:0) qalib gəlməklə pley-offda oynamaq hüququ qazandılar. Hesabında 12 xal olan İngiltərə və Almaniya klubları sonuncu turda Londonda 1-ci yeri tutmaq uğrunda vacib matça çıxacaq. Xatırladaq ki, Devid Moyesin çalışdırdğı “Vest Hem” oktyabrın 5-də “Frayburq”a səfərdə 2:1 hesabıyla qalib gəldiyi üçün hazırda ilk sıranı tutur. Başqa sözlə, “çəkicdöyənlər”ə liderliyi qorumaq üçün evdə uduzmamaq kifayət edəcək.
B qrupunda da “böyük beşlik” liqalarının təmsilçiləri ilk iki yeri özünə təmin edib. “Ayaks”a dramatik keçən matçda 4:3 hesabıyla qalib gələn “Marsel” liderliyini davam etdirdi. “Brayton” isə Yunanıstanda AEK-i minimal hesabla üstələməklə azı 2-ci yerdəki mövqeyini qorudu. Sonuncu turda “Marsel”i qəbul edəcək “Brayton” qələbə qazanacağı halda qrupu lider kimi başa vuracaq.
C qrupunda bütün suallara sonuncu turda cavab tapılacaq. Belə ki, “Betis”, “Reyncers” və “Sparta”nın mübarizəni AL-də davam etdirmək şansı qalır. Hazırda sonuncu yeri tutan “Aris” isə ən yaxşı halda 3-cü yeri tutaraq Konfrans Liqasının pley-offuna vəsiqə qazana bilər.
D qrupunda pley-offa erkən vəsiqə qazanan “Atalanta” evdə “Sportinq”ə uduzmamaqla (1:1) liderliyi, başqa sözlə, birbaşa 1/8 finalda oynayacağını rəsmiləşdirdi. Xatırladaq ki, İtaliya klubu oktyabrın 5-də Lissabonda 2:1 hesabıyla qalib gəldiyi üçün əsas rəqibi üzərində şəxsi oyunlarda üstünlük qazanıb. “Sportinq” 1/8 finalda oynamaq üçün AL-in pley-off mərhələsində uğur qazanmağa çalışacaq.
E qrupunda LASK-ın qapısından 4 cavabsız top keçirən “Liverpul” liderliyi təmin etdi. 2-ci yer uğrunda mübarizə “Tuluza” və “Yunion” arasında gedəcək. Fransa və Belçika təmsilçilərinin şəxsi oyunları heç-heçə (1:1, 0:0) başa çatdığı üçün sonuncu turun oyunları böyük əhəmiyyət daşıyacaq.
F qrupunda turu qələbə ilə başa vuran “Renn” və “Vilyarreal” azarkeşlərini erkən sevindirən komandaların sırasına qoşuldu.
Qeyd edək ki, “Makkabi” (Hayfa) ilə ev oyunu dekabrın 6-na təxirə salınan “Vilyarreal”ın sonda 1-ci yeri tutmaq üçün yaxşı şansı var. Hazırda Fransa klubundan 3 xal geri qalan İspaniya təmsilçisinə “Makkabi”dən 3 xal alacağı halda sonuncu oyunda “Renn”ə uduzmamaq kifayət edəcək. Ona görə ki, pireneylilər evdə fransızlara 1:0 hesabı ilə qalib gəliblər.
G qrupuna “Roma”və “Slaviya”nın pley-offa çıxmaq şansı yüksək idi. Bu komandalar arasında qrup liderliyi uğrunda rəqabətdə çexiyalılar önə keçdilər. İtaliya klubunun “Servett” ilə oyunda (1:1) büdrəməsindən maksimum yararlanan “Slaviya” “Şerif”ə qalib gəlməklə (3:2) 1-ci yerdə qaldı.
Nəhayət, H qrupunda “Bayer-04”ün AL-də maksimum nəticə ilə irəliləyən yeganə iştirakçı olduğunu xüsusi vurğulamalıyıq. Xabi Alonsonun komandası səfərdə iki cavabsız qolla qalib gəldiyi “Həkken”in məğlubiyyət seriyasını 5-ə çatdırdı. “Molde” ilə şəxsi oyunlarda (1:0, 2:2) üstünlük qazanan “Qarabağ”ın 2-ci yerin sahibi kimi AL-in pley-offuna çıxmaq şansı yüksəkdi. Azərbaycanın son çempionu qrupun və turnirin autsayderi olan “Həkken”ə evdə qalib gəlməklə mövqeyini qoruya bilər. Ağdamlıları qrupun son oyunlarının heç-heçə bitməsi və həm özünün, həm də “Molde”nin uduzması da qane edəcək.
qrup mərhələsi, 5-ci tur
A qrupu
TSÇ (Serbiya) - Vest Hem (İngiltərə) 0:1
Souçek, 89.
Vest Hem: Fabianski, Kressuell (Emerson, 79), Agerd, Mavropanos, Conson (Kerer, 79), Uord-Prouz, Souçek, Fornals, Paketa, Benrahma (Korne, 67), Mubama (İnqz, 67).
Frayburq (Almaniya) - Olimpiakos (Yunanıstan) 5:0
Qreqoriç, 3; 8; 36. Sildilya, 42. Doan, 77.
Frayburq: Atubolu, Ginter, Linhart (Qulde, 66), Sildilya, Makenqo, Höfler (Şolloi, 78), Qrifo (Veyshaupt, 78), Eqqeştayn, Doan, Qreqoriç (Röl, 66), Höler (Adamu, 67).
1. Vest Hem 5 4 0 1 8-4 12
2. Frayburq 5 4 0 1 17-5 12
3. Olimpiakos 5 1 1 3 6-12 4
4. TSÇ 5 0 1 4 4-14 1
Sonuncu turun oyunları dekabrın 14-də keçiriləcək: Vest Hem – Frayburq, Olimpiakos - TSÇ.
B qrupu
Marsel (Fransa) - Ayaks (Niderland) 4:3
Obameyanq, 9-p.; 48. 90+3-p. Mbemba, 26 – Brobbi, 10; 30. Ekpom, 80.
Marsel: P.Lopes, Kloos, Mbemba, Ciqo, Lodi (Murilyo, 87), Kondoqbiya, Veretu (Vitinya, 87), Harit (Ounahi, 87), Obameyanq (Meyte, 90+5), Korrea (Ndiaye, 66), Sarr.
AEK (Yunanıstan) - Brayton (İngiltərə) 0:1
Joao Pedro, 55-p.
Brayton: Verbruggen, Veltman, Dank, İqor Julio, Qross, Gilmor (Baleba, 88), Mitoma (Daud, 69), Hişelvud, Joao Pedro (Milner, 77), Ferqyuson (Duffus, 88), Adinqra.
1. Marsel 5 3 2 0 14-9 11
2. Brayton 5 3 1 1 9-5 10
3. AEK 5 1 1 3 5-9 4
4. Ayaks 5 0 2 3 7-12 2
14 dekabr: Ayaks – AEK, Brayton - Marsel.
C qrupu
Sparta (Çexiya) - Betis (İspaniya) 1:0
Haraslin, 54.
Betis: R.Silva, Pesselya, Ruibal, Abner (Miranda, 84), Quardado (Villian Joze, 84), Roka, G.Rodriges, Fekir (İsko, 46), İqlesias, Ezzalzuli (Peres, 74), Diao (Luis Enrike, 76).
Reyncers (Şotlandiya) - Aris (Cənubi Kipr) 1:1
Makkozlend, 49 – Babika, 28.
1. Betis 5 3 0 2 7-4 9
2. Reyncers 5 2 2 1 5-4 8
3. Sparta 5 2 1 2 6-6 7
4. Aris 5 1 1 3 6-10 4
14 dekabr: Betis – Reyncers, Aris - Sparta.
D qrupu
Atalanta (İtaliya) - Sportinq (Portuqaliya) 1:1
Skamakka, 23 – Edvards, 56.
Atalanta: Musso, Skalvini (Bakker, 87), Cimşiti, Kolaşinats (Holm, 86), Rucceri, Hatebur, De Roon, Koopmeyners (Mirançuk, 69), Ederson, Skamakka (Muriel, 64), Lukmen (Paşaliç, 64).
Şturm (Avstriya) - Rakuv (Polşa) 0:1
Yeboa, 81.
1. Atalanta 5 3 2 0 8-4 11
2. Sportinq 5 2 2 1 7-6 8
3. Şturm 5 1 1 3 4-6 4
4. Rakuv 5 1 1 3 3-6 4
14 dekabr: Rakuv – Atalanta, Sportinq - Şturm.
E qrupu
Liverpul (İngiltərə) - LASK (Avstriya) 4:0
Dias, 12. Qakpo, 15; 90+2. M.Salah, 51-p.
Liverpul: Kelleher, C.Qomes, Simikas (Çambers, 82), Konate (Aleksander-Arnold, 56), Kuansa, Endo, Qravenberx (Bredli, 82), Elliott, M.Salah (Cons, 56), Qakpo, Dias (Nunyes, 56).
Tuluza (Fransa) - Yunion (Belçika) 0:0
1. Liverpul 5 4 0 1 16-5 12
2. Tuluza 5 2 2 1 6-8 8
3. Yunion 5 1 2 2 3-7 5
4. LASK 5 1 0 4 5-10 3
14 dekabr: LASK – Tuluza, Yunion - Liverpul.
F qrupu
Makkabi (Hayfa, İsrail) - Renn (Fransa) 0:3
Terrye, 29. Quyri, 48. Rider, 90+3.
Renn: Mandanda, Omari, Vu, Teate, Trüffer (Naqida, 62), Assinyon, Matiç (Blyas, 81), Le Fee (Santamariya, 62), Quyri (Ryeder, 62), Terrye, Yıldırım (D.Due, 71).
Vilyarreal (İspaniya) - Panatinaikos (Yunanıstan) 3:2
Baena, 29. Kamesanya, 34. Morales, 47 - Palasios, 66. Yannidis, 81.
Vilyarreal: Reyna, Albiol (Qabbya, 46), A.Moreno, Foyt (Alti, 78), Kueka, Parexo, Trigeros (Pedrasa, 77), Komesanya, Baena (X.Moreno, 68), Morales (Brereton, 68), Axomaş.
1. Renn 5 4 0 1 11-3 12
2. Vilyarreal 4 3 0 1 6-5 9
3. Panatinaikos 5 1 1 3 6-8 4
4. Makkabi H 4 0 1 3 1-8 1
14 dekabr: Renn - Vilyarreal, Panatinaikos - Makkabi H.
G qrupu
Servett (İsveçrə) - Roma (İtaliya) 1:1
Bediya, 50 – Lukaku, 21.
Roma: Svilar, Lyorente, Çelik, Ndika, Paredes, Kristante, Auar (Pelleqrini, 55), Bove (Belotti, 81), Əl-Şaaravi (Spinatsola, 74), Lukaku, Dibala (Sanşeş, 81).
Şerif (Moldova) - Slaviya (Çexiya) 2:3
Tovar, 45+3. Nqom-Mbekeli, 56 – Yureçka, 19. Zafeyris, 78. Ticani, 90+5-p.
1. Slaviya 5 4 0 1 13-4 12
2. Roma 5 3 1 1 9-4 10
3. Servett 5 1 2 2 4-9 5
4. Şerif 5 0 1 4 5-14 1
14 dekabr: Slaviya - Roma, Servett - Şerif.
H qrupu
Həkken (İsveç) - Bayer-04 (Almaniya) 0:2
Bonifas, 14. Şik, 74.
Həkken: Abrahamsson, Hovland, Totland, Ousu, Riiqard, Qustafson, Abdulrazak, Amane (Dahbo, 68), Layuni, Çilufya (Sonko, 68), Hrstiç (Yussef, 80).
Bayer-04: Kovarj, Ta (Kossunu, 80), Tapsoba, Stanişiç, İnkapye, Andrix, Tella (Şik, 63), Puerta (Orye, 88), Qlojek (Hofmann, 80), Adli, Bonifas (Mbamba, 46).
Molde (Norveç) - QARABAĞ 2:2
Eriksen, 82; 87 - Juninyo, 12. Mustafazadə, 90+5.
1. Bayer-04 5 5 0 0 14-2 15
2. QARABAĞ 5 2 1 2 5-8 7
3. Molde 5 2 1 2 11-7 7
4. Həkken 5 0 0 5 2-15 0
14 dekabr: QARABAĞ - Həkken, Bayer-04 - Molde.
Bombardirlər: Joao Pedro (Brayton), Obameyanq (Marsel) - 5.