"O vaxt "Şamaxı" rəhbərliyinin Canni de Byazi ilə görüşündə mən də iştirak edirdim. Aramızda çox yaxşı münasibət var. Ona insan kimi böyük hörmətim var. İntellektual səviyyəsi yuxarı biri idi. Oynatdığı futbol da xoşuma gəlirdi. Son matçlar göstərirdi ki, biz futbol oynaya bilirik və idmançılar yetişir. Lakin De Byazinin etdiyi səhv idi. Bizim mətbu orqan millətin iç üzüdü. Jurnalistlərimizin hamısı mədəni və səviyyəli insanlardı. Onları da incitmək olmazdı. Mənə elə gəlir ki, federasiya rəhbərliyi bu məsələni nəzərə alaraq onunla yola davam etmək istəmədi. Hamı kimi mən də hörmətlə yanaşıram. Gələcək işlərində Canni de Byaziyə uğurlar arzulayıram".

"Seçim ancaq azərbaycanlı məşqçilər arasından edilməlidi. Mən namizəd adı çəkmirəm. Şükürlər olsun ki, hər şey göz qabağındadı. Biz 3-4-cü yer uğrunda mübarizə aparırıqsa, bunu bacaran məşqçilərimiz var. Artıq onların zamanı yetişib. İnanıram ki, yığma yerli məşqçi ilə 2-ci yeri tutacaq. Mən də bütün Azərbaycanı hamıdan əvvəl təbrik edəcəm".