“Bəli, informasiya doğrudu. Karyeramı bitirdikdən sonra “Səbail” rəhbərliyi mənimlə əlaqə qurdu. Sağ olsunlar, klubda işləməyə dəvət etdilər. Artıq karyeramda yeni səhifə açmağın vaxtı idi. Əlimdən gələni edəcəm ki, mənə göstərilən etimadı doğruldum”.

“Mən onlardan tələb edirdim ki, futbolçuların hamısının borcu ödənməlidi. Asim Əlizadə yaxşı şəraitdə əməliyyat olunmalıdı. Bundan əlavə, oyunçular geyim dəsti ilə təmin olunmalıdı. Bunların heç biri normal şəkildə yerinə yetirilmədi. Mən də sözümdən dönmədim. Komandaya qayıtmadım. Heç bir məvacib tələb etmədən müqaviləmə xitam verdim. Bütün sənədlərimi götürərək komandadan ayrıldım. Əslində “İrəvan” borclarımın müəyyən faizini ödəməyə hazır idi. Lakin Asim Əlizadə və geyim dəsti ilə bağlı istəyim təmin olunmadı. Mən də istəklərim ya tam olmalıdı, ya da gedirəm dedim. Bundan sonra klubla yollarımı ayırdım. Sənədlərimi aldım və pul istəmədən onlarla sağollaşdım”.