Misli premyer-liqasının 13-cü turunda 'Sumqayıt" səfərdə "Neftçi"ni məğlub etməyi bacardı - 2:1.


"Football-plus.az" xəbər verir ki, oyundan sonra "kimyaçılar"ın baş məşqçisi Samir Abasov media nümayəndələrinin önünə çıxıb: Sizi əvvəlcə mütəxəssisin fikirləri ilə tanış edirik:

- Oyuna kimi olan vəziyyəti sizə danışım. Necə edək, nə edək? Vəziyyət çox gərgin idi. Nəyə görə? Rəqib kimi bizim ehtiyat heyətimiz zəngin deyildi. Oktavio, İssa, Ninqa və Kamran oyunu buraxmışdı. Necə edəcəkdik? Məcburi Səbuhini və Kehatl vinger oynatdıq. Başımızı sındırdıq. Dünən gecə Almaniya çempionatına baxıram. Birdən qrupa tanıyanlar video göndərir. "Neftçi TV" video düzəldib. Sübhənallah. Dedim bu nə yaxşıdı. Bu gün gəlsin, komandanı gör necə qızışdırıram. Bizə bonus veriləcək? "Neftçi" medianın böyüyü xanımdı? Sumqayıtda məndən oyundan sonra müsahibə alırdılar. İşıqlar söndü. Çıxıb gedə bilərdim. Qabiliyyətimi göstərdim. "Neftçi" TV-nin videosunu bu gün futbolçularımız göstərdi. "Neftçi"nin media departamentinin rəhbərinə də bonus düşür. Rəhbərliklə danışaq, onlara da bonus verək. Sağolsunlar. "Sumqayıt"ın qələbəsində rolları oldu.

- Ötən oyundan sonra demişdiz ki, bu qələbə kimlərəsə sürpriz gələ bilər. Bu gün "Neftçi" üzərində qazanılan qələbə ictimaiyyətə təəccüblü gəlməlidi?

- Analizlər necə aparılır mənim üçün müəmmalıdı. Son turlarda formada olan bizik. "Neftçi" ni analiz edən adam mən deyiləm. "Neftçi" bu oyuna kimi nələr edib, sualları verərsiz onlara. Bizim itkilərimiz var idi, "Neftçi" ev sahibidi, üstün tutulmalıydı. Ev sahibi avantajı da var idi, heyəti də genişdi. Dərin inciliklərə getsələr, bəlkə bu gün şansları 50/50 saya bilərdilər. Amma mən də azarkeş kimi üstünlüyü "Nefçti"yə verərdim. Bu qələbə sürprizdi? Xeyr. Uduzduğumuz oyunlarda da üstünlüyümüz olub. Bu gün çox layiq idik qələyəyə.

- Final fitindən sonrakı qələbə sevinciniz Adrian Mutuya cavab idi?

- 100 faiz. Cavabı verməliydik. Sumqayıtdakı matçda sakit durmuşdum. Mənə elə gəlir ki, "Neftçi"yə gələn baş məşqçilər komandanı "Sumqayıt"la oyuna elə hazırlayırlar ki... Oyunlarımız gərgin keçirdi. Mən amili də var burada. 90-cı illərdə dünya çempionatında məhəllə söhbətləri var idi, İrana demişdilər ki, kimə uduzursan uduz, ABŞ-a uduzma. Məncə, "Neftçi"də də belədi ki, "Sumqayıt"a uduzma. Qol vurub, üstümüzə tullanırsansa, belə şeylər sizin də başınıza gələcək.

- "Neftçi" azarkeşləri sizə "Samir, qədrini bilmədik" sözləri dedi...

- Bu haqda fikir bildirməyim. Oyunumuza görə də alqışladılar. Bir qrup insan var ki, oyuna da önəm verir. "Neftçi" səhifələri var, bəlkə 100-dən 50-si söyəcək. Tərifləyənlər sağolsunlar. Mən "Neftçi" üçün əlimdən gələni etmişəm, canımı qoymuşam, bacardığımı etmişəm, daha çoxunu da edə bilərdim. "Neftçi"nin, jurnalistlərin fikri belədi. Qismət elədi ki, "Sumqayıt"a qayıtmışam və burdan qalib çıxırıq.

- "Neftçi" ilə oyunlarda motivasiyanız fərqli olur?

- Sizə elə gəlir. Belə deyil. "Qəbələ"ni udmaq istəmirdik? Oyundan oyuna fərq var. Bu gün topla oynamayan komanda aqressiv görünməyə bilər. Topsuz komanda daha aqressiv görünür. "Neftçi"nin özəlliyi və böyüklüyü budu ki, bütün komandalar ona qarşı aqressiv oynayır. "Neftçi" flaqmanımız, tariximiz, canımızdı. "Xəzər Sumqayıt"ın vaxtında da intriqalar var idi. Onda mən yox idim axı. "Neftçi"yə qarşı hamı belə oynayacaq. Biz də qalib gəlmək istəyirik.