Sventek Qadınların Tennis Assosiasiyasını tənqid etdi
Dünya qadın tennisinin aparıcı simalarından olan polşalı İqa Sventek Qadınların Tennis Assosiasiyasının (WTA) ünvanına tənqid yağdırıb:
“22 yaşım var. Həyatımdakı iki ən gərgin mövsümü arxada qoyandan sonra hiss edirəm ki, bir neçə il belə tempdə davam etmək mənim üçün çətin olacaq. WTA mütləq qatılmalı olduğumuz turnirlərin sayını artırmaqda davam edərsə... Mənə elə gəlir ki, hər şey tennisçilərin sağlamlığını nəzərə almadan daha çox pul qazanmağa əsaslanır”.
Bir müddət əvvəl belaruslu tennisçi Arina Sobolenko da yuxarıda adı çəkilən qurumu tənqid etmişdi. Bundan başqa, Arina daha 20 tennisçi ilə birgə quruma məktub yazaraq qazancın azlığından şikayətlənmişdi. Ardından Sventek də giley-güzar dolu məktub yazdı. Qadınların Tennis Assosiasiyası isə tennisçilərə rəsmi qaydada cavab verməkdən boyun qaçıraraq onları rəhbərliklə görüşə dəvət etmişdi.
Digər xəbərlər
