Fələstinə dəstək verən Əl-Qazi heç nəyə görə peşman deyil
Təxminən 2 həftə öncə Fələstinə dəstək mesajı paylaşan ''Maynts-05''in üzvü Ənvər Əl-Qazi ciddi təzyiqlər və problemlərlə üzləşmişdi.
Baxmayaraq ki, o, paylaşımını qısa müddət sonra silmişdi. ''Maynts-05'' rəhbərliyi niderlandlı vingeri qeyri-müəyyən müddətə əsas komandadan kənarlaşdırmışdı. Hətta futbolçunun müqaviləsinin ləğv olunacağı da gözlənilirdi. Oktyabrın 30-da bu məsələdə yeni durum ortaya çıxdı.
''Maynts-05''in bəyanatında futbolçuya yeni bir şans verildiyi, onun peşman olduğu, öz səhvini və paylaşımının kluba vurduğu zərbəni anladığı qeyd olundu. Eləcə də tezliklə Əl-Qazinin komanda ilə məşqlərə başlayacağı vurğulandı. Amma dünən 29 yaşlı futbolçudan növbəti diqqətçəkən paylaşım gəldi. Əl-Qazi heç nəyə görə peşman olmadığına işarə vurdu:
''Bu paylaşımı yaşanan müzakirələrin qarşısını almaq üçün edirəm. Sentyabrın 27-də verdiyim açıqlamalar, sosial şəbəkədəki paylaşımım ilə bağlı mövqeyim dəyişməyib. İlk yazdığım fikirlərlə eyni nöqtədəyəm. Savaşa və şiddətə, məsum, sivil xalqların öldürülməsinə, irqçiliyin istənilən növünə, İslamafobiyaya, antisemitizmə, Cənubi Afrikadakı ayrıseçkiliyə, işğala və təzyiqə qarşıyam. Heç nəyə görə peşman deyiləm və son nəfəsimə qədər bu fikirlərim dəyişməyəcək. Ədalətin tərəfini tutmaqda davam edəcəm''.
''Maynts-05''in hələ ki, bu paylaşıma reaksiyası bəlli deyil. Amma böyük ehtimalla Əl-Qazi bir daha bu klubun formasını geyməyəcək''.
ƏLİ
Digər xəbərlər
