Mazraui Almaniyadan deportasiya ediləcək?
Nussair Mazraui özünü çətinə salıb. “Bavariya”nın oyunçusunun Almaniyadan deportasiya edilməsi təklif olunub.
"Football-plus.az" xəbər verir ki, mərakeşli futbolçu da İsrail - HƏMAS münaqişəsinə biganə qala bilməyib. Bavariya vilayətinin daxili işlər naziri Yoahim Herrmann ölkə parlamenti olan Bundestaqın iki deputatının Fələstinə verdiyi dəstəyə görə Nussairin Almaniyadan qovmaq çağırışına münasibətini bildirib. O, 25 yaşlı müdafiəçini deportasiya etməyə ehtiyac olmadığını deyib:
“Bir qayda olaraq, deportasiya yalnız hər hansı şəxsin yaşamaq hüququ olmadıqda və ağır cinayətlər törətdikdə mümkündü. Ona görə də “Bavariya” bu məsələ ilə özü məşğul olmalıdı. Çox dəyər verdiyim “Bavariya”nın oyunçusu isə belə açıqlamalardan uzaq olmalıdı”.
Qeyd edək ki, Mazraui bir müddət əvvəl də fələstinlilərə dəstəyini ifadə etmişdi. O, Mərakeş yığmasının oyunçuları və məşqçilər heyətinin gələn il keçiriləcək Afrika Millətlər Kuboku ərəfəsində əldə edəcəyi bütün bonusları fələstinlilərə bağışlayacağını bildirmiş və daha çox humanitar təşəbbüslər edəcəyinə söz vermişdi.
Digər xəbərlər
