AÇ-2024-ün seçmə mərhələsində keçiriləcək Azərbaycan - Avstriya matçından əvvəl mətbuat konfransı və açıq məşqlərin vaxtı bəlli olub.
"Football-plus.az" xəbər verir ki, Azərbaycan millisinin baş məşqçisi Canni De Byazi sabah, saat 18.30-da görüşün baş tutacağı "Dalğa Arena"da media nümayəndələrinin qarşısına çıxacaq.
19.00-da isə yığmanın açıq məşqi gerçəkləşəcək.
Qonaqların baş məşqçisi Ralf Ranqnikin mətbuat konfransı isə Avstriyada olacaq. Almaniyalı mütəxəssis saat 12.15-də Vyanadakı "Ernst Happel" stadionunda jurnalistlərin suallarını cavablandıracaq. Açıq məşq isə 19.00-da eyni arenada reallaşacaq.
Qeyd edək ki, oktyabrın 16-da Tofiq Bəhramov adına Respublika stadionunda reallaşacaq oyun saat 20.00-da start götürəcək.
Avstriya ötən gün Belçikaya evdə 2:3 hesabı ilə uduzub, Azərbaycan isə səfərdə Estoniyaya qalib gəlib - 2:0.
Canni De Byazi Bakıda, Ralf Ralqnik Vyanada
Yığma / AÇ
