"Football-plus.az"ın Misli premyer-liqasının 9-cu turunda "Qəbələ" - "Səbail" matçı üçün Qəbələyə ezam olunmuş əməkdaşı Bakıya qayıdarkən yol kənarında avtomobil qəzası keçirən şəxslərin şahidi olub.

Təəssüf ki, dəmirə çırpılan avtomobildə bir nəfər həyatını itirib. Sözügedən qarşılaşmadan geri dönən "Qəbələ"nin futbolçusu İlkin Qırtımov və "Səbail"in qapıçısı Səlahət Ağayev qəzaya düşənlərə yardım ediblər. Hətta "qırmızı-qaralar"ın kapitanı vəziyyəti ağır olan yaralıya su verərək köməklik edib.

Hadisə yerinə polis və təcili tibbi yardım xidmətinin əməkdaşları gəlib.

CAVİD ƏLİYEV, Şamaxı - Bakı