Prezident təkzib etdi
Futbol üzrə ölkə çempionatının 2-ci liqasında 4 tur arxada qalıb. Hələ ki xal toplamayan iki komanda var. Bunlardan biri “Kürmük Qax”dı, o biri də “Şəmkir”. Top fərqini də nəzərə alsaq, şəmkirlilər sonuncudu.
Bəzi saytlarda belə zəif nəticələrə görə baş məşqçi Xəyal Abdullayevin artıq istefaya göndərildiyi yazılır. Bu xəbərin nə dərəcədə həqiqətəuyğun olduğunu aydınlaşdırmaq üçün "Şəmkir"in prezidenti Vüsal Məmmədovla əlaqə saxladıq:
"Haqqımızda yazılanlar reallığı əks etdirmir. Baş məşqçi ilə yollarımızı ayırmamışıq. Xəyal Abdullayev bizimlədi və komandanı növbəti oyuna hazırlayır. Uğursuzluqlara gəlincə, yeni yaradılmış komandayıq. Yaxşı nəticələr üçün bizə vaxt lazımdı. Oyundan-oyuna artıracağıq".
ABDULLA İSMAYILOĞLU
Digər xəbərlər
