Ötənilki “Australian Open”də ciddi zədə alan, iyunda isə sol ayağından əməliyyat olunam dünya tennisinin əfsanəsi Rafael Nadal bir çox mövzuda fikirlərini bölüşüb.

"Football-plus.az" xəbər verir ki, o, əvvəlcə sağlıq durumu haqda danışıb: “Yenidən rəqabətədavamlı olmaq istərdim. Yenidən qayıdıb “Rolan Qarrosdavamlı olmaq istərdim.

dan əməliyyat olunam dünya tennisinin əfsanəsi Rafael Nadal bir çox mövzuda fikirlərini”u və ya “Australian Open”i qazanmaq istəmirəm. Adamların beynini qarışdırmaq niyyətim yoxdu – həyatımın və karyeramın indiki məqamında belə uğurlardan çox uzaq olduğumu anlayıram. Yox, demək istəmirəm ki, bunlar mümkünsüzdü, idmanda hər şey çox tez dəyişir. Ağrısız yaşayırammı? Yox, ayağımla bağlı problem var, bəzən çox ağrıyır, rahat yaşamağa imkan vermir. Bəzən hətta öz evimdə pilləkənlə düşməyə çətinlik çəkirəm”.

37 yaşlı ispaniyalı ulduz ona azarkeşi olduğu “Real”la bağlı verilən sualları da cavablayıb: “Real”ın prezidenti olmaq istəyərdimmi? İndi bu haqda danışmağın mənası yoxdu. Ona görə ki, mümkün prezidentlərdən ən yaxşısı Florentino Peres bizdədi. Həyatda çoxlu dönüşlər olur. Adam özünə sual verməlidi: müəyyən işlə məşğul olmaq üçün yetərincə səviyyəm varmı? Mbappe? Bəlkə də daha bir hücumçu artıqlıq etməzdi. Mən də belə düşünürəm. Mbappe ilə heç bir problemim yoxdu. Əksinə, gəlsə, çox sevinərəm. Əlbəttə, Mbappenin oyunu xoşuma gəlir. Heyətimizdə o çatışmır. Mbappeni kim bəyənmir? Niyə o keçməyə məcbur idi? “Real” istənilən oyunçudan vacibdi. Reallıq belədi”.

“Böyük dəbilqə” turnirlərinin 22 qat qalibi karyerasını bitirəndən sonra özünü məşqçi kimi görüb-görmədiyi haqda da danışıb: “Niyə də olmasın?! Ancaq düşünürəm ki, bu, həyatımın əsas hissəsi olmayacaq. Ola bilsin, bir neçə həftə hansısa tennisçi ilə çalışdım, yoxladıq... İdman həmişə həyatımın bir hissəsi olacaq”.

Nadal jurnalistlər önünə çıxıbsa, ona serb Novak Cokoviçlə əbədi rəqabət haqda sual verilməsi də təbiidi. Belə görünür ki, ispaniyalı ulduz artıq serbin üstünlüyü ilə barışıb: “Hesab edirəm ki, rəqəmlər elə rəqəmlərdi, statistika da statistika. Bu mənada, heç şübhəsiz, onun göstəriciləri daha yaxşıdı. Reallığı olduğu kimi etiraf etmək lazımdı. Cokoviçin üstün olması gerçəkdi. Qalan detallar isə zövq, hissiyyat məsələsidi. Bir oyunçunun başqasından daha çox bəyənə bilərsiz. Titullara gəlincə, Cokoviç tarixin ən yaxşısıdı, burda müzakirə etməli nəsə yoxdu”.

Xatırladaq ki, Nadalın “Böyük dəbilqə” turnirlərində 22, Cokoviçin isə 24 qələbəsi var. Nadalın əmisi yaxınlarda hazırda bərpa dövrünü keçirən tennisçinin gələnilki “Australian Open”də korta qayıtmaq istədiyini demişdi.