Ramiz Mustafayevin AFFA-da başqa vəzifəsi də var
AFFA və PFL-in rəsmi saytı sentyabrın 18-də Ramiz Mustafayevin AFFA nümayəndəsi kimi fəaliyyətini yekunlaşdırdığı haqda xəbər yaydı.
Buna əsasən Ramiz bəylə əlaqə saxlayıb müsahibə almaq istəsək də, o, fəaliyyətini davam etdirdiyini və bu üzdən danışmaq istəmədiyini, yayılan xəbərlərin yanlış olduğunu bildirdi. Mustafayevin sözləri adı çəkilən qurumların xəbəri ilə üst-üstə düşmədiyindən AFFA-nın mətbuat xidmətinin rəhbəri Elnur Məmmədli ilə əlaqə saxladıq. Onun “Football-plus.az”a dedikləri:
“Ramiz Mustafayev 70 yaşına çatdığından AFFA nümayəndəsi kimi fəaliyyət göstərməyəcək. Amma o, eyni zamanda AFFA-da İnzibati Təsərrüfat şöbəsinin müdiridi və bu işdə çalışmağa davam edəcək. Çox güman, bunu nəzərdə tutub, dedikləri səhv anlaşılıb”.
KƏNAN BAHADIR
Digər xəbərlər
