Avropa Liqasının qrup mərhələsində mübarizə aparan “Qarabağ”da mühüm qərar verilib.

"Football-plus.az"a daxil olan məlumata görə, “köhlən atlar” üçün transfer mövsümü başa çatıb. Ağdam təmsilçisi hazırda hansısa futbolçu ilə danışıq aparmır.

Son Azərbaycan çempionu Misli premyer-liqası üçün azad agentlərdən kimisə heyətinə qatmağı düşünmür. Qurban Qurbanovun rəhbərlik etdiyi komandanın iştirak ərizəsi UEFA-ya göndərilib. Burda yalnız bir dəyişiklik olub. Ağdamlılardan ayrılan Şahruddin Məhəmmədəliyevin əvəzinə Amin Ramazanov siyahıya əlavə olunub. Bundan başqa, Marko Veşoviçlə Nəriman Axundzadənin də adı iştirak ərizəsinə daxil edilib. Sadəcə, UEFA-nın rəsmi saytında bununla bağlı yenilənmə edilməyib.

İLKİN SULTANLI