Bu mövsüm voleybol üzrə ölkə çempionatında yeni komanda izləyəcəyik.

Bu kollektiv Vüqar Əliyevin rəhbərlik edəcəyi "Buta"dı. Artıq Bakı təmsilçisi yeni transferlər də etməyə başlayıb.

"Football-plus.az"ın əldə etdiyi məlumata görə, ötən mövsüm "Azərreyl"in heyətində çıxış edən millimizin ötürücüsü Şəfaqət Alişanovanı yeni "voleybol ili"ndə "Buta"da görəcəyik. Onunla bir illik müqavilə bağlanacağı gözlənilir. Bu transfer yaxın günlərdə rəsmiləşəcək.

Bu xəbəri saytımıza açıqlamasında Şəfaqət Alişanova özü də təsdiqlədi: "Bəli, yeni mövsümdən "Buta"da çıxış edəcəm. Hədəflərimiz çempion olmaqdı. İnşallah, məqsədimizə çatarıq".

CAVİD ƏLİYEV