“Ciddi problem yaşamadan çempion olmaq potensialına malik olan bir “Fənərbaxça”da çalışırdım. Əvvəlcə düşünürdüm ki, həmin dönəmdə bizi çempion olmağa qoymadılar. Amma sonra başa düşdüm ki, “Fənər” özünə qənim kəsildi və özünü çempion olmağa qoymadı. Təəssüf ki, 2019/20-də çempionluğu özümüz əldən verdik. Həmin mövsümdə sanki rəsmən intihar etdik. Bunun üzüntüsünü həyatım boyunca yaşayacam (Komollinin hansı intihardan bəhs etdiyini anlamaq çətindi. Çünki “Fənərbaxça” 2019/20-ni liderdən 16 xal geridə olmaqla 7-ci pillədə bitirdi – Ə.R.). Əslində “Fənərbaxça” ilə müqavilə imzaladıqdan cəmi 3-4 həftə sonra heç nə edə bilməyəcəyimizi və bir şey qazanmayacağımızı anlamışdım. Komandanın problemi kənardan yox, camiənin öz içindən gələn təzyiq idi. Ordan ayrıldığım gündən bunu israrla söyləyirəm. Komandanın daxilindəki problemlər və təzyiq üzündən “Fənərbaxça”nın çempion ola bilməyəcəyini söyləmişdim. Hələ də bu fikirdə qalıram”.