"Qeydlərinizə hörmətlə yanaşıram. Bəli, bəzi hallarda region səfərləri Bakıdakı oyunda iştirak edən jurnalistlərin sayına təsir edib. Amma bu məqam, məsələn, "Futbol+" kimi geniş heyətə malik, hətta ən azı üç əməkdaşı olan media mənsublarına aid deyil. O ki qaldı qazanca, layihəyə qatılanların hamısının pul dalınca yollanması fikri ilə qətiyyən razı deyiləm. Bu layihə olmadan da, "Futbol+" başda olmaqla bir neçə mətbuat orqanı göstərə bilərəm ki, oyunlarda iştirak edirdi. Sadəcə, regionlarla bağlı addımımız onlar üçün xüsusi dəstək oldu. Həm də rayonlardakı atmosfer sözün həqiqi mənasında hər yerə daşındı, geniş kütlələrə təbliğ edildi. Qərara aldıq ki, region layihəmizi bu mövsüm də davam etdirək. Buna səbəb layihə ilə bağlı əsasən xoş mesajlar almağımızdı. Sizinlə razıyam. Dəfələrlə olmuşdu ki, xüsusilə əcnəbi baş məşqçilər regionlara səfər zamanı Bakıda mətbuat konfransında boş zal önündə çıxış etmələri ilə bağlı kinayəli açıqlama vermişdilər. Hətta bunu ölkəsinə qayıdandan sonra dilə gətirənlər də var idi".

"Doğrusu, “Araz-Naxçıvan”la bağlı hələ ki planımız yoxdu. Bakıdakı oyunlar üçün, məsələn, “Zirə”, “Sabah” klubları kimi jurnalistlərin işini rahatlaşdırmaq məqsədilə nəqliyyat vasitəsi ayıra bilərlər".