İyulun 27-də Konfrans Liqasında (KL) daha 42 oyun keçirildi. Bununla da turnirin 2-ci təsnifat mərhələsinin ilk görüşlərinə yekun vuruldu.

Bu mərhələnin startı komandalarımız üçün ümumilikdə qənaətbəxş alındi. Təəssüf ki, “Qəbələ” öz meydanında “Omoniya”ya uduzdu (2:3). Əvəzində rəqib meydanlarından qənaətbəxş nəticələrlə dönən “Sabah” və “Neftçi” mərhələni adlamaq üçün yaxşı imkan qazandılar. Bir sözlə, komandalarımız ilk oyunlarda mümkün olan hər üç nəticə ilə yadda qaldılar.

Ümumiyyətlə, 2-ci təsnifat mərhələsi postsovet məkanı üçün heç də yaxşı başlamadı. Bu mərhələdə sabiq SSRİ-yə daxil olan 9 ölkədən 24 komanda iştirak edir. Bu komandaların ilk oyunlardakı göstəriciləri belə oldu: 7 qələbə, 4 heç-heçə, 13 məğlubiyyət. Ən yaxşı göstəriciyə 2 qələbə və 1 heç-heçə ilə Qazaxıstan nail oldu. Litvanın hər iki, Gürcüstanın isə hər üç təmsilçisi ilk oyunu məğlub başa vurdu.

İlk oyunlardan birində insident baş verdiyini də bildirək. Şimali Makedoniyada keçirilən “Şkupi” – “Levski” matçından (0:2) əvvəl qonaq Bolqarıstan komandasının bir azarkeşi yerli fanatların hücumuna məruz qalıb. Bıçaq yarası alan azarkeş xəstəxanalıq olub. Bolqarıstanın Şimali Makedoniyadakı səfiri yerli hakimiyyət orqanlarından hadisə ilə bağlı dəqiq araşdırma aparılmasını və qonaq futbolsevərlərin təhlükəsizliyinin təmin olunmasını tələb edib. Bolqarıstanlı konsul isə klinikada müalicə alan zərərçəkənə baş çəkib.

2-ci təsnifat mərhələsi, ilk oyunlar
QƏBƏLƏ (AZƏRBAYCAN) - Omoniya (Cənubi Kipr) 2:3
Allaş, 4; 62 – Bezus, 45+1; 50; 82-p.
Jelezniçar (Bosniya və Hersoqovina) – NEFTÇİ (AZƏRBAYCAN) 2:2
Haraçiç, 14. Amoa, 45+10 – Kosoriç, 44-öz qapısına. Hacıyev, 90+5.
Alaşkert (Ermənistan) - Debretsen (Macarıstan) 0:1
Lonkar, 50.
Ararat-Armeniya (Ermənistan) - Aris (Yunanıstan) 1:1
Eza, 11 – Palma, 20.
İnter Eskaldes (Andorra) - Hibernian (Şotlandiya) 2:1
Qalyeqo, 15. Assubre, 71 – Nyuell, 90+1.
Ordabası (Qazaxıstan) - Legiya (Polşa) 2:2
Sadovski, 13. Mboc, 48 – Pekhart, 63. Kramer, 86.
Bude/Qlimt (Norveç) - Bohemians-1905 (Çexiya) 3:0
Qrönberq, 44. Pelleqrino, 50. Espeyord, 90+2.
APOEL (Cənubi Kipr) - Voyvodina (Serbiya) 2:1
Kvilitaya, 32. Dvali, 65 – Jukiç, 56.
Auda (Latviya) - Spartak (Slovakiya) 1:1
Ramires, 60 – Kosa, 8.
Viktoriya (Plzen, Çexiya) - Drita (Kosovo) 0:0
Qzira Yunayted (Malta) – F91 Düdelanj (Lüksemburq) 2:0
Macula, 54. Skerri, 79.
Kalmar (İsveç) - Pünik (Ermənistan) 1:2
Trenskov, 44 – Yuriçiç, 55. Bravo, 81.
Keçkemet (Macarıstan) - Riqa (Latviya) 2:1
Suxodovski, 52. Palinkas, 85 – Kontreras, 86.
Torpedo (Gürcüstan) - Aktobe (Qazaxıstan) 1:4
Arabidze, 89 – Kasım, 34. Raiçkoviç, 43. Samorodov, 73. Filipoviç, 90+3.
Ferentsvaros (Macarıstan) - Şemrok Rovers (İrlandiya) 4:0
Siqer, 16. Ramires, 32. Traore, 47. Varqa, 74.
ÇSKA (Bolqarıstan) - Sepsi (Rumıniya) 0:2
Rondon, 68. Varqa, 81.
Yurqorden (İsveç) - Lütsern (İsveçrə) 1:2
Lofqren, 5 – Ademi, 29. Kadak, 82.
Bazel (İsveçrə) - Tobol (Qazaxıstan) 1:3
Barri, 25 – Deble, 57-p. Orazov, 62. Çesnokov, 71.
Vorskla (Ukrayna) - Dila (Gürcüstan) 2:1
Filipe Rodriges, 73. Kane, 90+3 – Kovtalyuk, 57.
Differdanj (Lüksemburq) - Maribor (Sloveniya) 1:1
Eriko, 25 – Yakupoviç, 90+6.
Makkabi (Təl-Əviv, İsrail) - Petrokub (Moldova) 3:0
Biton, 13. Zahavi, 63. Perets, 90+4.
PAOK (Yunanıstan) - Beytar (İsrail) 0:0
Farul (Rumıniya) - Urartu (Ermənistan) 3:2
Belutse, 27. Mazilu, 45+4. Larie, 90+3 - Maksimenko, 23. Zotko, 38.
ÇFR (Rumıniya) - Adana Dəmirspor (Türkiyə) 1:1
Hefte, 6. Stambuli, 77.
Akureyri (İslandiya) - Dandolk (İrlandiya) 3:1
Adalsteynsson, 28. Hauksson, 37; 45 – Kelli, 32.
B-36 Torshavn (Farer adaları) – Heverforduest Kaunti (Uels) 2:1
Aqnarsson, 11. Yohansen, 60 – Teylor-Krossdeyl, 80.
Beşiktaş (Türkiyə) - Tirana (Albaniya) 3:1
Bulut, 21. Muleka, 42. Kılıçsoy, 90+3 – Kayna, 83.
Brügge (Belçika) - Orhus (Danimarka) 3:0
Bükenen, 30. Rits, 48. Vetlesen, 76.
Gent (Belçika) - Jilina (Slovakiya) 5:1
Orban, 23. De Sart, 55. Kuypers, 67; 85. Vatanabe, 76 – Kapralik, 79.
Dukacini (Kosovo) - Riyeka (Xorvatiya) 0:1
Yankoviç, 30.
Osiyek (Xorvatiya) - Zalaeqerseq (Macarıstan) 1:0
Mirez, 90+1.
Tvente (Niderland) - Hammarbü (İsveç) 1:0
Steyn, 53.
Torpedo (Belarus) - AEK (Cənubi Kipr) 2:3
Qluşenkov, 70. Ovono, 73 – Dyurço, 6-p. Kasado, 16. Farah, 40.
Hapoel (Beer Şeva, İsrail) - Panevejis (Litva) 1:0
Elias, 35.
Selye (Sloveniya) - Gimaraynş (Portuqaliya) 3:4
Bobiçanets, 1. Matko, 59. Edmilson, 90+6 – Jota Silva, 25. Andrezinyo, 35. Fonseka Amaru, 71. Noqeyra, 80.
Austriya (Avstriya) - Borats (Bosniya və Hersoqovina) 1:0
Tabakoviç, 90+4.
Lex (Polşa) - Kauno Jalgiris (Litva) 3:1
Hotiç, 11. Miliç, 41. Muravski, 45+2 – Fase, 57.
Derri Siti (Şimali İrlandiya) - KuPS (Finlandiya) 2:1
Patçinq, 39. Kavana, 79 – Videskuq, 45-p.
Linfild (Şimali İrlandiya) - Poqon (Polşa) 2:5
Finleyson, 56. Holl, 80 – Qrositski, 14-p. Kosta, 40. Malek, 63. Kuluris, 66. Fornalçik, 90+5.
Kruzeyders (Şimali İrlandiya) - Rusenborq (Norveç) 2:2
Louri, 11. Reytan, 74-öz qapısına – Holse, 30. Seter, 42-p.
Sutyeska (Monteneqro) – FK Santa Koloma (Andorra) 2:0
Saletik, 24. Strikoviç, 73.
Şkupi (Şimali Makedoniya) - Levski (Bolqarıstan) 0:2
Velton, 31. Ronaldo, 90+4.
Bu mərhələnin iyulun 25-26-da keçirilən oyunlarının nəticələri: RFŞ (Latviya) - SABAH (AZƏRBAYCAN) 0:2, Atletik Eskaldes (Andorra) - Partizani (Albaniya) 0:1, Nyu Seynts (Uels) - Svift Esperanj (Lüksemburq) 1:1, Hamrun Spartans (Malta) - Dinamo (Tiflis, Gürcüstan) 2:1, Tre Penne (San Marino) - Valmiera (Latviya) 0:3, Ballkani (Kosovo) - Larn (Şimali İrlandiya) 3:0, Struqa (Şimali Makedoniya) - Buduçnost (Monteneqro) 1:0, Midtüllann (Danimarka) - Proqres (Lüksemburq) 2:0, ÇSKA 1948 (Bolqarıstan) - FKSB (Rumıniya) 0:1, Fənərbaxça (Türkiyə) - Zimbru (Moldova) 5:0, Neman (Belarus) - Baltsan Yuts (Malta) 2:0.
Cavab oyunları avqustun 1-3-ü aralığında keçiriləcək.