“Napoli”nin sabiq baş məşqçisi Luçano Spalletti Səudiyyə Ərəbistanında işləməkdən imtina edib.

"Football-plus.az" xəbər verir ki, təcrübəli mütəxəssis “Əl-Əhli”nin təklifini rədd edib. Spallettinin “Yuventus”u çalışdırmaq istədiyi iddia edilir. Turin klubunun rəhbərliyinin də mümkün təyinata müsbət yanaşdığı söylənilir. Lakin bu iddia o qədər də inandırıcı deyil.

Xatırladaq ki, Spalletti “Napoli”ni ötən mövsüm İtaliya çempionluğuna daşıyıb. Lakin mövsümün sonunda uzun müddətdən sonra bir il istirahət etməyi lazım bilib. Neapol klubu onunla müqaviləni növbəti mövsümdə heç bir komandanı çalışdırmayacağı şərti ilə pozub.