İtaliya çempionatında 2022/23 mövsümünün ən yaxşı məşqçisi müəyyənləşib.

"Football-plus.az" xəbər verir ki, bu nominasiyada Luçano Spalletti qalib gəlib.

“Napoli”nin çalışdırıcısı məşqçilərin işini komandaların oyun keyfiyyətləri və “feyr-pley” prinsiplərinə nə dərəcədə riayət etməsi üzrə dəyərləndirən idman qəzetlərinin direktorları arasında keçirilən sorğuda həmkarlarını arxada qoyub.

Spalletti “Napoli”nin baş məqçi vəzifəsinə mövsümün əvvəlində təyin olunub. 64 yaşlı mütəxəssis komandanı 33 illik fasilədən sonra İtaliya çempionatında qələbəyə daşıyıb. Əlavə edək ki, o, mövsümün sonunda karyerasına birillik fasilə vermək qərarına gəlib.