"Şadam ki, bu təzyiqin qarşısında tab gətirdik"
"Sabah" Konfrans Liqasının 2-ci təsnifat mərhələsində RFŞ-i məğlub edib - 2:0.
"Football-plus.az" xəbər verir ki, oyundan sonra "bayquşlar"ın çalışdırıcısı Murad Musayevin mətbuat konfransı keçirilib. Sizi mütəxəssisin fikirləri ilə tanış edirik:
"Bu gün çox çətin oyun oldu. Bizim mövsümdəki ilk rəsmi oyunumuz idi. Yaxşı başladıq. Daha sonra təşəbbüsü bir az əldən verdik. Rəqib öz güclü tərəflərini göstərməyə başladı. Bizə çətinliklər yaşatdı. Şadam ki, bu təzyiqin qarşısında tab gətirdik və ikinci qolu vurduq. Matçın sonlarında da oyun tapşırıqlarını lazımınca yerinə yetirdik və görüşü qələbə ilə sonlandırdıq. Amma bu ilk hissədi. Qarşıda Bakıdakı 90 dəqiqə var. Səhvlərimiz üzərində çalışacayıq. 8 gün vaxtımız var. Çox şeyi düzəltməliyik. Rəqibə bu qədər imkan vermək olmaz. Daha yaxşı oynamalıyıq".
- Qələbə münasibətilə təbrik edirəm. Bu matçadək yalnız yoxlama matçları keçirmisiz. Komandanın hələ tam optimal formada olmadığını söyləmək olar?
- Bu gün biz fərqli 11-liklə meydana çıxmışdıq. Buna bəzi oyunçuların zədəli olması, bəzilərinin isə tam hazır olmaması səbəb idi. Həm bunu, həm də rəqibin oyun üslubunu nəzərə almalıyıq. Üstəlik Latviyada çempionat davam edir. Onlar daha yaxşı formadadı. Bizsə, hələ indi başlayırıq. Özümüzü dərhal atəşin içinə atmışdıq. Futbolçular buna tab gətirdilər. Çox istərdim ki, iki oyunun yekununa əsasən qalib gələk. Qarşıda bizi çox iş gözləyir.
Digər xəbərlər
