Səlminaz Ramazanlı: “İlk beynəxalq yarışım olduğuna görə həyəcan var idi”
İyulun 18-23-ü aralığında Andorrada 16 yaşadək qızlar arasında Avropa çempionatının C divizionunun oyunları baş tutdu. Millimizin B qrupunda Albaniya, Moldova və Andorra ilə mübarizə apardı.
Qrupdakı bütün matçlarında qalib gələn U-16 yarımfinala vəsiqə qazandı. Burda Gürcüstanı gərgin mübarizədə 74:72 hesabı ilə üstələyən Evren Alkayanın yetirmələri həlledici görüşdə Andorraya da şans tanımadı - 57:45.
Turnirdəki çıxışla bağlı millimizin üzvü Səlminaz Ramazanlı ilə əlaqə saxladıq. Onun “Football-plus.az” saytına açıqlaması belə oldu:
"Biz 10 ay idi ki, bu turnirə hazırlaşırdıq. İlk matçımızı ev sahibi Andorraya qarşı keçirdik və qalib gəldik. Oyunun ən yaxşısı seçildim. Daha sonra Albaniya və Moldovanı məğlub etdik. Yarımfinalda A qrupunun ikincisi Gürcüstanla qarşılaşdıq. Çətin matç alındı. Geridönüş edərək qələbə qazandıq. İlk beynəxalq yarışım olduğuna görə həyəcan var idi. Lakin məşqçilərin bizə dəstəyi xeyrimizə oldu. Şükürlər olsun, məqsədimizə də çatdıq".
CAVİD ƏLİYEV
Digər xəbərlər
