MBA ulduzları elə pullar qazanırlar ki, zaman-zaman fərqli idman növlərində klublara yatırım etməyə də can atırlar.

"Football-plus.az" xəbər verir ki, “Klippers”in oyun qurucusu Rassel Uestbruk iyunda “Lids” futbol klubunun səhmlərinə nəzarət paketini alan Amerikanın “49ers Enterprises” konsorsiumuna qoşulub. 34 yaşlı basketbolçu bu xəbəri əyləncəli idman sammitində açıqlayıb. Uestbrukun konkret nə vaxt investisiya qoyduğu və payının həcmi ilə bağlı informasiya yoxdu.

“49ers Enterprises” “Lids”in səhmlərinə nəzarət paketini klubun sabiq sahibi Andrea Radritsanidən alıb. Konsorsium yeni mövsümdən çempionşipdə oynayacaq klubun səhmlərinin 56 faizinə görə 213 milyon dollar ödəyib. Xatırladaq ki, Uestbruk bu yay “Klippers”lə yeni – dəyəri 8 milyon dollar olan ikiillik müqavilə bağlayıb. O, 2022/23 mövsümünün gedişində “Leykers”də çıxış etsə də, “Yuta” ilə dəyişdirilib, ardından “Klippers”ə yollanıb.

Bu arada üçqat MBA çempionu Dueyn Ueyd də qadınlardan ibarət “Çikaqo”nun sahibləri sırasına daxil olub. 41 yaşlı amerikalının investisiya planını qadın MBA-sının idarəçilər şurası də bəyənməlidi. Ueyd ESPN-ə belə açıqlama verib: “Sosial şəbəkələrdə yazmaq və sadəcə, oyunlara gəlmək əvəzinə yeni səviyyəyə qalxmaq istədim. Qadın MBA-sının bir hissəsi olmaq baxımından əla imkan qazanmışam”.

“Çikaqo” 2021-ci ildə Dueynin qohumu Ceyms Ueydin rəhbərliyi altında qadın MBA-sının çempionu olub.