Prezident İlham Əliyev Rusiya idmanını xilas edə biləcəkmi?
Bildiyiniz kimi, iyulun 5-6-da Bakıda Qoşulmama Hərəkatının Əlaqələndirmə Bürosunun nazirlər görüşüşü keçirilib.
“Football-plus.az” xəbər verir ki, görüşdə Azərbaycan Prezidenti İlham Əliyevin təşəbbüsü ilə qeyri-adi petisiya tələb olunub.
Hərəkatın üzvü olan 120 dövlətin rəsmiləri Beynəlxalq Olimpiya Komitəsini (BOK) neytrallığı qorumağa və hansısa ölkənin idmançılarının Olimpiya Oyunlarında çıxışına qadağa qoymamağa çağırıb. Sirr deyil ki, söhbət ilk növbədə Rusiya idmançılarından gedir. Rusiya ötən ilin fevralında Ukrayna ərazisini işğal etməyə başladığından idmançılarının Paris Olimpiadasında iştirakı sual atındadı.
Maraqlıdı ki, BOK-un prezidenti Tomas Bax Bakıda qəbul olunan petisiyaya dərhal reaksiya verib:
“BOK Qoşulmama Hərəkatının üzvü olan 120 dövlətin dəstəyini isti qarşılayır. Olimpiya Oyunlarının birləşdirici missiyasına qəti sadiqlik bizi ruhlandırır. Bu vacib qətnamənin qəbulu ilə bağlı təşəbbüsə görə Azərbaycan Prezidenti İlham Əliyevə “sağ olun” deyirəm”.
ORXAN
Digər xəbərlər
