Yeni mövsümə hazırlığı Sloveniyada keçdiyi toplanışla davam etdirən və artıq heyətini 4 yeni oyunçu ilə gücləndirən “Trabzonspor”un düşərgəsindən xəbər var. Məsələ burasındadı ki, bütün oyunçular toplanışda tər tökdüyü bir vaxtda Muntasser Lahtimi hələ istirahətdədi.

"Football-plus.az" xəbər verir ki, o, dənizin keyfini çıxarmaqda davam edir.

Qaradənizlilər yeni mövsümün hazırlığına iyunun 30-da start verib, iyulun 4-də isə Sloveniyaya yollanıb. Yəni Lahtimi iyulun 30-da Trabzonda olmalıydı. Amma 22 yaşlı mərakeşli futbolçu rəhbərliyə və məşqçilər korpusuna heç bir xəbər vermədən özü üçün tətilini davam etdirir. Təbii ki, məşqdə iştirak etmədiyi hər günə görə bu futbolçuya pul cəzası veriləcək. Amma belə görünür, bu durum gənc oyunçunu çox da maraqlandırmır. Çünki hələ üçillik müqaviləsi olmasına rəğmən, onun, ümumiyyətlə, Trabzona qayıtmaq niyyəti yoxdu! “Bordo-mavililər”in prezidenti Ərtuğrul Doğan bu faktı təsdiqləyib:

Lahtimi ən son Atlantik okeanının şimal sahillərində dostları ilə birlikdə çəkdirdiyi şəkili paylaşaraq “Trabzonspor”luları bir qədər də qəzəbləndirib. Böyük ehtimalla onun “Trabzonspor” karyerasının bitdiyini iddia etmək olar. Türkiyəyə qayıtsa belə, onun uzun müddət əsas komandadan kənar qalacağı gözlənilir.

Qeyd edək ki, Lahtimi ötən yay Konyada keçiriən İslam Həmrəyliyi Oyunlarında Mərakeşin gənclərdən ibarət yığmasındakı oyunu ilə diqqəti çəkmişdi. Avqustda o dönəmdəki baş məşqçi Abdulla Avcının istəyi ilə 2001-ci il təvəllüdlü futbolçu ilə “4+1” illik müqavilə imzalanmışdı. Bunun qarşılığında Mərakeş təmsilçisi “Rabat”a 600 min avro ödənildi. Futbolçunun illik qazancı 300 min avro təşkil etdi. Amma Lahtimi özünü göstərə bilmədi. Superliqada yalnız 1 dəfə start heyətində oynayaraq 8 oyunda ümumulikdə 139 dəqiqə meydanda oldu. Mövsüm ərzində adının iştirak ərizəsinə salındığı 22 qarşılaşmanın 14-də, ümumiyyətlə, meydana çıxmadı. Çox güman, bu işin sonu ya FİFA-da, ya da İdman Arbitraj Məhkəməsində həllini tapacaq.