"Neftçi" rəsmən yeni məkanda
"Neftçi" ilə bağlı bütün məsələlər aydınlaşmaq üzrədi.
"Football-plus.az" xəbər verir ki, flaqman Rusiyadakı "Match TV" kubokuna və Konfrans Liqasına ciddi hazırlaşır. Bu səbəbdən də komanda bu gündən etibarən Bakıda toplanışa başlayacaq.
Redaksiyamıza daxil olan məlumata görə, "ağ-qaralar" gündə 2 dəfə məşq edəcəklər. Hazırlıqlardan biri Bakı Olimpiya Stadionunda baş tutacaq. Görəsən, paytaxt təmsilçisi bununla bağlı BOS-a müraciət edib? Məsələ ilə bağlı arenanın mətbuat xidmətinin rəhbəri Fərid Əsədzadəyə müraciət etdik:
"Bəli, "Neftçi" bizə müraciət edib. Səhv etmirəmsə, bu gün və ya sabahdan məşqlərə başlamalı idilər. Bilirsiz ki, "Neftçi" Rusiyada keçirilən "Match TV" kubokunda Azərbaycanı təmsil edəcək. Burdakı rəqiblər də kifayət qədər güclüdü. Rusiyanın "Zenit", Türkiyənin "Fənərbaxça" və Serbiyanın "Srvena Zvezda" klublarına qarşı oynayacaq. Həmin yarışa hazırlıq məqsədi ilə "Neftçi" gündə 2 dəfə məşq edəcəkdi. Günün ilk hazırlığını öz məşq mərkəzlərində keçirəcəklər. Axşam məşqləri üçün isə bizə müraciət ediblər. BOS olaraq buna müsbət cavab vermişik. Sadəcə, "Neftçi"nin bura gəlməyini gözləyirik".
İLKİN SULTANLI
Digər xəbərlər
