“Məlumatın yarısı doğru, qalan hissəsi yanlışdı. Həqiqəti əks etdirməyən tərəfi bundan ibarətdi ki, məşq meydançalarımız tam “Neftçi”yə həvalə olunmur. Çünki bizim arenanın stadionlarından premyer-liqanın bir neçə klubu istifadə edir. Futbol akademiyaları, hakimlər, zaman-zaman avrokuboklardakı rəqiblərimiz, bəzən də ərəb ölkələrindən bəzi komandalar təlim-məşq toplanışlarını burda keçirir. BOS-un ancaq bir kluba məxsus olması gündəmdə deyil. “Neftçi”nin burda məskunlaşmaq istəməsi doğrudu. Bununla bağlı bizə müraciət etmişdilər. Arenada olan münasib otaqları onlara göstərdik. Amma ortada dəqiq nəsə yoxdu. Hansısa anlaşma olmayıb. Sadəcə, bizə müraciət etmişdilər. Fərqli qurumlar bu məqsədlə bizə tez-tez müraciət edir. “Neftçi” də məkanla tanış oldu. İstəyərlərsə, rəsmi prosesdurlardan sonra köçə bilərlər”.