Millimiz bu gün AÇ-2024-ün seçmə mərhələsində növbəti oyununa çıxıb.

"Football-plus.az" xəbər verir ki, yığmamız F qrupunun 3-cü turunda Estoniyanı qəbul edib. "Dalğa Arena"da keçirilən görüş 1:1 hesabı ilə başa çatıb.

AÇ-2024-ün seçmə mərhələsi
F qrupu
17 iyun
Azərbaycan - Estoniya 1:1
Anton Krivortsyuk, 62 - Miller, 27
Hakimlər: ANDREY BERKA, İvo Nadvornik, Kamil Hayek, Dalibor Çerni (hamısı Çexiya).
VAR hakimi: Benua Millo (Fransa).
VAR hakiminin köməkçisi: Miroslav Zelinka (Çexiya).
Bakı. “Dalğa Arena”. Saat 20.00.

Yığmamız seçmə mərhələyə çox pis başladı. Canni de Byazinin komandası əvvəlcə Avstriyaya 1:4, daha sonra İsveçə 0:5 hesabı ilə uduzdu. Hər nə qədər qəribə səslənsə də, estonlarla oyun AÇ-2024-ə vəsiqə qazanmaq baxımından başlanğıc ola bilər. Lakin bunun üçün millimiz bugünkü görüşdə qələbə qazanmalıdı. Ekspertlər indiki məqamda Canni de Byazinin komandasını favorit sayır. Lakin qonaqları o qədər də gücsüzləşdirmək olmaz. Ən azı indiyəqədərki oyunların statistikası belə düşünməyə əsas verir.

Azərbaycanla Estoniya 8 dəfə üz-üzə gəlib. Bunların 7-si yoldaşlıq oyunu, 1-i isə beynəlxalq turnir çərçivəsində olub. Azərbaycan millisi bu matçlarda cəmi bir qələbə qazanıb. Həmin oyun 1998-ci il noyabrın 28-də Gəncədə keçirilib - 2:1. Qalan oyunların 4-də uduzmuşuq, 3 dəfə heç-heçə qeydə alınıb.

Yeri gəlmişkən, dünən De Byazinin 57 yaşı tamam oldu. Bu məqam da yığma üçün özünəməxsus stimul ola bilər. Belə ki, futbolçular ya qələbə qazanaraq mərhələnin sonuna kimi italiyalının yığmanın millisinin başında qalmasına səbəbkar olacaq, ya da məğlub olaraq De Byazinin vaxtından əvvəl ölkəsinə qayıtmasına şərait yaradacaq.