Bakıda Azərbaycan və Estoniya milli komandaları arasında keçiriləcək AÇ-2024-ün seçmə mərhələ oyununa təyinatlar açıqlanıb.

Qarşılaşma Çexiyadan olan hakimlər briqadasına həvalə olunub. Belə ki, baş hakim Andrey Berkaya laynsmanlar qismində İvo Nadvorniklə Kamil Hayek yardımçı olacaq. Dördüncü hakim funksiyasını Dalibor Çerni yerinə yetirəcək. Matçın VAR hakimləri isə fransalı Benoit Millot və köməkçisi çexiyalı Miroslav Zelinka olacaq.

"Football-plus.az" olaraq ədalət təmsilçilərinin Azərbaycan futbolunda buraxdığı izlərə nəzər salaq.

Andrey Berka 2018-ci ildən FİFA referisi kimi təyinat alır. 35 yaşlı hakimin beynəlxalq arenada zəngin təcrübəsi yoxdu. Çexiyalı ikinci dəfə ölkəmizə səfər edəcək. İlk dəfə 2 il öncə - 2021-də U-21 yığmamızın matçını idarə edib. Sözügedən qarşılaşmada Xorvatiya millimizi 5:1 hesabı ilə darmadağın edib. Yeganə qolu 55-ci dəqiqədə “Qarabağ”ın hücumçusu Musa Qurbanlı vurub. Berka həmin oyunda Arsen Ağcabəyova sarı, Turan Vəlizadəyə isə qırmızı vərəqə göstərib.

Miroslav Zelinka da yerli azarkeşlərin tanıdığı simadı. O, “Qarabağ”ın Avropa Liqasının qrupunda “İnter”ə vurduğu qolu saymamaqla tarixə düşüb.

Görək, bu dəfə hansısa "sürpriz" nəzərdə tutulub?

KƏNAN BAHADIR